鳥海山鐵板燒 (已搬遷) 新店位置

周年紀念梗係要去食好嘢，一早搵定咗呢間位於長沙灣鐵板燒，好開心，要讚自己揀得好好☺️由個門口已經感受到店主嘅用心❤️入到去坐低都感覺好舒服，因為樓底高，空間感好夠，唔使講抽風做得好是必須的，食完絕對唔會一陣味。因為想靜靜地傾吓偈，所以冇揀到坐bar枱。晚餐有幾個set，一早已經諗定要食龍蝦，鮑魚嗰個鐵板燒set😋先嚟嘅有沙律同刺身，好新鮮，滿意呀🥰跟住就到鐵板燒活龍蝦，好香，好多龍蝦膏，肉質好彈牙，好爽口，燒得啱啱好😍再嚟就燒活鮑魚，超好味，好新鮮好彈牙😍跟住就到鵝肝多士，好邪惡，但係好想encore，鵝肝表面燒到脆口， 咬入口好嫩好Juice，極速溶咗喺個口入面😍再嚟就係牛肉薄燒，燒牛肉捲着蔬菜，好味最後有好香又粒粒分明嘅炒飯，炒椰菜，同埋味噌湯，好滿足嘅一餐😍