一喜日本料理

營業中

休息中

放工後約左男朋友去the one睇戲，未夠鐘上網睇下有咩食，見到就近有間一喜食日本嘢嘅，緊係要試下！一上到去裝橫好和風，簡潔得黎又發現佢好多小細節都充滿左日本特色~例如點完菜後店員放返個放左日文菜名嘅木牌仔嘅兜係枱面，好似日式漁市場咁~野菜沙律有多款沙律菜，新鮮爽口，夾埋小蕃茄同粟米，食落好鮮甜同有口感！池魚刺身+海膽擺盤好有格調好靚，而池魚切得好薄身，絕對係功夫之作👍芥末仲係鮮磨嘅，大大增添左池魚嘅鮮味，肉質緊實嫩滑😋海膽師傅好細心咁奉上左紫菜同醋飯一齊食，海膽鮮甜而且入口即溶，紫菜亦夠脆唔會淋晒，配搭一絕！天婦羅有南瓜、茄子、香菇同大蝦，炸粉啱啱好，香脆之餘又唔會太厚，香菇估唔到仲保持到非常多汁，南瓜都好粉好甘甜！豚肉紙火鍋火鍋好足料，有豚肉外仲有大量嘅蔬菜如小棠菜、金菇、香菇、蘿蔔，好豐！豚肉肉質嫩滑，而紙嘅作用在於可吸收豚肉嘅油膩，所以成個湯底都好清甜可以飲埋湯~串燒質素不俗，燒得香口脆身卻唔會好熱氣，我特別鐘意日本小蕃薯，唔會死甜而且細細粒好好食！