影片
更多
2023-01-17
311 瀏覽
話說一個月前朋友們book咗呢間燒肉同我慶生，本身都無對呢個價位嘅燒肉有太高期望，但求過吓肉癮。點知呢次嘅用餐體驗出奇地差在服務同衛生度，食到我啲朋友一肚氣同反哂白眼😆愈後愈精彩😉首先我哋見佢有啲燒肉做緊優惠好似好抵咁，呀店員同我哋講$138大皿至尊牛肩肉嗰款好嘢嚟，結果最唔好食就係呢碟嘢🤭可能店員覺得所謂嘅好嘢就係有好多塊啦，咁的確一人食到好幾塊嘅。口味嘅嘢好見仁見智嘅，咁再試埋我哋自己一心想試嘅$168熊本A5和牛肉眼，薄就預咗架喇，但食落都係好一般，唔覺得食緊A5級數嘅牛，口感定味道都係普通到無任何值得一提嘅點。而當我哋揀番啲正價日本A5和牛，1516緊咩部位好嘅時候，我隨口問咗句西冷係咪無咁腍，個店員居然話其實無分別，係睇你燒得好唔好。即刻知道唔洗再問個店員嘢，連唔同部位有唔同口感/會有咩分別都零概念真係無言，咁都講得出🤭最後都係揀咁$498嘅和牛西冷，厚身啲而油脂真係香口好多，入口即融，真係一分錢一分貨。之後其他嘢食都係中規中矩正正常常咁。不過店員嘅服務真係非常差，多次落漏嘢，單係一個野菜盛合我哋前前後後追咗不下4、5次都無上，隔離枱嘅生菜遲過我哋落都到咗，最後肉都食晒菜都未
話說一個月前朋友們book咗呢間燒肉同我慶生，本身都無對呢個價位嘅燒肉有太高期望，但求過吓肉癮。點知呢次嘅用餐體驗出奇地差在服務同衛生度，食到我啲朋友一肚氣同反哂白眼😆愈後愈精彩😉
紙皮碎撈飯
$98
7 瀏覽
0 讚好
0 留言
首先我哋見佢有啲燒肉做緊優惠好似好抵咁，呀店員同我哋講$138大皿至尊牛肩肉嗰款好嘢嚟，結果最唔好食就係呢碟嘢🤭可能店員覺得所謂嘅好嘢就係有好多塊啦，咁的確一人食到好幾塊嘅。
8 瀏覽
0 讚好
0 留言
口味嘅嘢好見仁見智嘅，咁再試埋我哋自己一心想試嘅$168熊本A5和牛肉眼，薄就預咗架喇，但食落都係好一般，唔覺得食緊A5級數嘅牛，口感定味道都係普通到無任何值得一提嘅點。
9 瀏覽
0 讚好
0 留言
而當我哋揀番啲正價日本A5和牛，1516緊咩部位好嘅時候，我隨口問咗句西冷係咪無咁腍，個店員居然話其實無分別，係睇你燒得好唔好。即刻知道唔洗再問個店員嘢，連唔同部位有唔同口感/會有咩分別都零概念真係無言，咁都講得出🤭最後都係揀咁$498嘅和牛西冷，厚身啲而油脂真係香口好多，入口即融，真係一分錢一分貨。
9 瀏覽
0 讚好
0 留言
之後其他嘢食都係中規中矩正正常常咁。不過店員嘅服務真係非常差，多次落漏嘢，單係一個野菜盛合我哋前前後後追咗不下4、5次都無上，隔離枱嘅生菜遲過我哋落都到咗，最後肉都食晒菜都未到，最後一次再催，同一店員居然好似從未聽過我哋催過佢上生菜咁，然後問我哋係哋要野菜盛合。吓？乜唔係一嚟就落咗架咩？你落漏都落緊要，我哋催咗咁多次你都唔識落番？口講叫我哋等等就有就上，原來你連單都未落嘅。跟住最好笑係佢問我哋係咪另一個店員幫我哋落，「你落嘅」朋友已經好俾面無串佢咁答😊其實由始至終得佢一個serve我哋，我哋都好想有第個店員幫我哋落單，咁就唔洗食餐飯好似追數同彈琴咁😃
5 瀏覽
0 讚好
0 留言
之後我哋食哂啲燒肉，見兩個飯都仲未到又催佢上啦，又係一舊雲咁問我哋係咪要加多兩個飯，我哋話一開始就叫咗xxxxx飯同xxxxxx飯，1分鐘內佢去睇完機番嚟問我哋係要咩飯🤭落漏單唔緊要，大佬我哋岩岩先講完兩個咩嘢飯俾你聽，你識check有無落單唔識落番單仲要即刻唔記得咗我哋要咩飯？
5 瀏覽
0 讚好
0 留言
之後其中一個係意大利香草鵝肝石鍋飯，呀店員好好心咁話要幫我哋撈，話我哋會撈得唔好，幫我哋分埋碗。不過之前食食吓我就問啲朋友，個鵝肝喺邊？坐最出嘅朋友話個店員撈得好勻，鵝肝都整碎哂撈勻咗。可能餐廳出呢個飯真係for客人咁食法嘅？不過我哋無人食得出自己食緊鵝肝，以為自己食緊乜餸都無，無咩味嘅飯咋🤭$98每人一碗綠色嘅白飯，值唔值就🤫呀，講錯，唔係乜餸都無，朋友係有食到紙皮嘅🤭$98紙皮碎撈飯，塊紙皮碎仲大粒過啲鵝肝碎幾倍呀陰公。我哋好好無即場投訴，只係影低咗相分享俾大家😃
紙皮碎撈飯
$98
14 瀏覽
0 讚好
0 留言
張貼
