影片
更多
2004-03-29
26 瀏覽
上屆日韓世界盃果陣來幫襯過，仲記得果次因為南韓隊打入半準決賽，所以老闆娘請晒全餐廳飲野，果晚又啤酒又真露咁，飲得好鬼高興。事隔年多，又同老婆來吃。雖然星期日中上環食肆例靜，但呢度雖然舖仔細細又其貌不揚，就都九成客滿，仲超過一半係韓國人，可見係有一定忠實支持者。都懶諗食咩，就叫了二人套餐，有烤牛肋骨、烤雞肉、什錦石頭飯、牛尾湯，另因太太不喜歡秋刀魚，就換了烤魷魚。先來例牌的九碟前菜，常見的都有齊，其中最正的當然是這裡自家製的泡菜，又辣又鮮味，當然亦要再來一碟。其他如醃蘿蔔及粉絲等都有水準，另有一碟沙律就是太太的至愛，當然亦要再吃。烤牛肋骨肉有九塊，醃得入味，好食；烤雞肉都唔錯，不過塊塊都薄薄地，有D唔夠喉，但吃韓烤就係咁，好食就縑唔夠多，任食的又唔好食；什錦石頭飯才料好豐富，加入大量辣醬同撈，有唔少飯焦，都好有水準；牛尾湯呈奶白色，味道唔錯，味精唔敢話無，但應該下得極少。飯後還有柑桔茶、參茶或薑茶任擇，當然要咖啡奶茶都得，仲有半隻橙，埋單350蚊，用恒生信用咭埋單布九折。價錢唔算好平，但食物幾有水準，都算值得。好多人都僧喜歡樓下的梨花園，但我始終喜歡這裡多一些，貪佢有較有親切感。另這裡通
雖然星期日中上環食肆例靜，但呢度雖然舖仔細細又其貌不揚，就都九成客滿，仲超過一半係韓國人，可見係有一定忠實支持者。都懶諗食咩，就叫了二人套餐，有烤牛肋骨、烤雞肉、什錦石頭飯、牛尾湯，另因太太不喜歡秋刀魚，就換了烤魷魚。
先來例牌的九碟前菜，常見的都有齊，其中最正的當然是這裡自家製的泡菜，又辣又鮮味，當然亦要再來一碟。其他如醃蘿蔔及粉絲等都有水準，另有一碟沙律就是太太的至愛，當然亦要再吃。
烤牛肋骨肉有九塊，醃得入味，好食；烤雞肉都唔錯，不過塊塊都薄薄地，有D唔夠喉，但吃韓烤就係咁，好食就縑唔夠多，任食的又唔好食；什錦石頭飯才料好豐富，加入大量辣醬同撈，有唔少飯焦，都好有水準；牛尾湯呈奶白色，味道唔錯，味精唔敢話無，但應該下得極少。
飯後還有柑桔茶、參茶或薑茶任擇，當然要咖啡奶茶都得，仲有半隻橙，埋單350蚊，用恒生信用咭埋單布九折。價錢唔算好平，但食物幾有水準，都算值得。好多人都僧喜歡樓下的梨花園，但我始終喜歡這裡多一些，貪佢有較有親切感。
另這裡通風麻麻，食完一身韓烤味，而又全店都是吸煙區，不過實在差不多檯檯都食韓烤，所以都唔係好閒到煙味。
張貼