影片
更多
2023-06-30
117 瀏覽
是日靚湯 $45今日嘅是日靚湯係純素西蘭花湯，西蘭花湯全部blend哂，入邊有啲西蘭花碎，飲一啖 口感非常之Creamy！炸洋蔥圈 $56本來以為炸洋蔥圈係一個好普通嘅炸洋蔥圈，但係佢竟然畀到驚喜小編呀！一般炸洋蔥圈只要教好個炸醬趁熱食就唔會出錯，但係Cutting Onions嘅炸洋蔥圈除咗炸漿味道較得好之外，佢連洋蔥都醃埋呀，由內到外都係勁惹味，食落完全停唔到口。大蝦濃蝦龍蝦汁扁意粉 $138雖然呢個扁意粉嘅賣相可能西餐廳咁華麗，但正所謂實而不華，味道確係一流！每一條扁意粉都掛得上濃厚嘅龍蝦汁，大蝦亦都非常之新鮮爽口彈牙，呢個意粉惹味非常！荷包蛋封門柳牛扒治 $148 ＋ （辣辣地）墨西哥芝士薯條$46呢個封門牛扒治就不得了啦，封門柳味道香濃，肉汁豐盈，口感軟嫩，配合埋荷包蛋嘅蛋汁，成個三文治嘅層次完全去咗另一個層次。大家千祈唔好以為牛扒治塊包係平平無奇呀，餐廳用咗迷迭香麵包，就咁食個包百份已經有好香濃嘅迷迭香既味道，連埋一齊食係提升左封門柳既層次感。墨西哥芝士薯條係薯條配上純素墨西哥醬，味道呢就辣辣地，同坊間嘅墨西哥芝士薯條有少少唔同，因為係冇肉醬嘅。薯條配埋墨西哥辣椒同埋Pic
今日嘅是日靚湯係純素西蘭花湯，西蘭花湯全部blend哂，入邊有啲西蘭花碎，飲一啖 口感非常之Creamy！
炸洋蔥圈 $56
本來以為炸洋蔥圈係一個好普通嘅炸洋蔥圈，但係佢竟然畀到驚喜小編呀！一般炸洋蔥圈只要教好個炸醬趁熱食就唔會出錯，但係Cutting Onions嘅炸洋蔥圈除咗炸漿味道較得好之外，佢連洋蔥都醃埋呀，由內到外都係勁惹味，食落完全停唔到口。
大蝦濃蝦龍蝦汁扁意粉 $138
雖然呢個扁意粉嘅賣相可能西餐廳咁華麗，但正所謂實而不華，味道確係一流！每一條扁意粉都掛得上濃厚嘅龍蝦汁，大蝦亦都非常之新鮮爽口彈牙，呢個意粉惹味非常！
荷包蛋封門柳牛扒治 $148 ＋ （辣辣地）墨西哥芝士薯條$46
呢個封門牛扒治就不得了啦，封門柳味道香濃，肉汁豐盈，口感軟嫩，配合埋荷包蛋嘅蛋汁，成個三文治嘅層次完全去咗另一個層次。大家千祈唔好以為牛扒治塊包係平平無奇呀，餐廳用咗迷迭香麵包，就咁食個包百份已經有好香濃嘅迷迭香既味道，連埋一齊食係提升左封門柳既層次感。
墨西哥芝士薯條係薯條配上純素墨西哥醬，味道呢就辣辣地，同坊間嘅墨西哥芝士薯條有少少唔同，因為係冇肉醬嘅。薯條配埋墨西哥辣椒同埋Pickled Onions，開胃得嚟又辣得幾過癮。兩款炸物嚟講，小編就會揀返食炸洋蔥圈啦。
張貼
