影片
更多
2022-09-09
1052 瀏覽
以前係附近做嘢，成日都會過去ovo cafe食野，無論lunch定dinner都食過好多次，今次放假過到來灣仔，見到ovo重新裝修過，又同其他品牌crossover，打算朝聖下，來到後人流唔多，同比放飯時間來講有點冷清，或者客人未知佢地已經重開呢。今次見到menu比之前更花了點心思，起碼有厚實既封面😄不過好可惜冇咗佢地最signature既位，就係每個星期lunch都唔同，呢個都係當初最吸引我成日去既點，起碼每個星期有新鮮感，不過一場來到都試下佢地既set。- 份量少 價錢貴我揀咗light meal，有3樣嘢跟一杯野飲，我揀咗main係impossible meat意粉，以前試過呢個幾好食。當個餐來到後個份量真係嚇親，個6角型兜真係好迷你，好似我手掌咁細，似係下午茶餐，以為個main會大份d，點知係同前菜小食同一個份量，但價錢係$88😅，個意粉真係3啖食完，成個餐食曬好似冇食過野咁🙃，對比以前$82一個餐跟沙律或者飲品相差太遠，起碼以前係一個正常份量既餐，如果用$88去食呢個”下午茶”餐，同比灣仔其他餐廳真係輸曬，而且$88已經係最平既餐😓 味道方面，同以前唔同，但唔係難食既，普普通
以前係附近做嘢，成日都會過去ovo cafe食野，無論lunch定dinner都食過好多次，今次放假過到來灣仔，見到ovo重新裝修過，又同其他品牌crossover，打算朝聖下，來到後人流唔多，同比放飯時間來講有點冷清，或者客人未知佢地已經重開呢。
今次見到menu比之前更花了點心思，起碼有厚實既封面😄不過好可惜冇咗佢地最signature既位，就係每個星期lunch都唔同，呢個都係當初最吸引我成日去既點，起碼每個星期有新鮮感，不過一場來到都試下佢地既set。
- 份量少 價錢貴
我揀咗light meal，有3樣嘢跟一杯野飲，我揀咗main係impossible meat意粉，以前試過呢個幾好食。當個餐來到後個份量真係嚇親，個6角型兜真係好迷你，好似我手掌咁細，似係下午茶餐，以為個main會大份d，點知係同前菜小食同一個份量，但價錢係$88😅，個意粉真係3啖食完，成個餐食曬好似冇食過野咁🙃，對比以前$82一個餐跟沙律或者飲品相差太遠，起碼以前係一個正常份量既餐，如果用$88去食呢個”下午茶”餐，同比灣仔其他餐廳真係輸曬，而且$88已經係最平既餐😓 味道方面，同以前唔同，但唔係難食既，普普通通咁。當然menu仲有regular meal，但價錢太高啦，一個regular既main course跟飲品就算，但又跟前菜小食甜品又太多，建議價錢調整低d，但跟既野少d，份量正常d會較好。
btw見到個menu main course竟然有雜果乳酪軟雪糕，真係呆咗，呢個唔係應該擺係甜品一欄嗎？真係百思不得其解！🤔可能放錯咗位😅個定價都太高。
總結今次探訪ovo之旅，比較失望，冇咗以前最鍾意既tom yummy同埋清邁咖喱湯麵，lunch都冇咗便當及每個星期唔同既set menu，而且以前既員工都貌似唔同曬，今非昔比，以前既味道既感覺不再，今次應該係最後一次來ovo了，再見啦！👋 我都希望將來佢地會做得越來越好！
張貼