津苑粉麵茶餐廳

營業中

休息中

正正今日遇上雙11嘅罷工日，等緊無盡嘅交通工具嘅時候，排排下隊肚餓，唯有起站頭附近搵食。之前來過食雲吞麵，就係未食過傳聞會有人起九龍揸番車入來外賣嘅牛腩，所以襯今日有少少時間就嗌左個牛腩河trytry佢。一如既往地都係蔥花另外羹上，幾貼心。湯底清得來唔係得鹹字，有鮮味嘅，而主角牛腩就煲得好淋好入味，入口即散，配搭少少嘅肥膏，又有牛油嘅香味唔錯唔錯，河粉唔會太淋，搭埋細細指肥仔水都係36蚊非常平民。