Picoso

營業中

休息中

估唔到男朋友今次紀念日 竟然帶我食墨西哥菜！哈哈 真係有啲surprise~環境舒適 設計都幾特別 有啲異國風情嘅感覺～首先叫左個墨西哥薄餅 ，佢個薄餅唔係厚實個啲，係薄得嚟又脆個種！一啖咬落去 口感層次都好豐富，有好多配料下，仲要有勁多芝士碎同牛油果醬。然後再叫左個鮮芒果汁木瓜大蝦沙律，呢款沙律比人感覺好健康同清新，因為酸酸甜甜咁，食材都好新鮮。而香炸大捲餅又係好足料，入面有洋蔥絲、醉蕃茄粒、豆蓉等等。佢都會有芝士同牛油果醬，但同薄餅食落又有另一種感覺。男朋友勁鐘意食炸嘢，叫左香炸洋蔥圈配巴哈炸魚炸薯條，不過好彩炸物都唔算好油，炸嘅時間掌握得好好，仲係金黃色，仲有配他他醬比人點。