Greyhound Café (又一城)

營業中

休息中

想食泰國菜，但呢間係不太泰國的泰國菜，照殺～早兩日電話訂位話無位，8點去到就要排隊等位，無得攞飛，要企定定等。三個人叫左4道菜（無影到個串燒糯米飯），本身幾個人都細食，所以夠食有餘，分量不過不失。個三文魚係用經典生蝦刺身個辣汁，配生蒜，基本上就係生蝦食法，好味！好清新！再黎一定會再叫～沙嗲串燒飯得三串串燒，人多就未必啱。個炸雲吞⋯可以不用叫，得個皮咁，幾乎完全無餡，呢個好唔值。墨汁海鮮意粉嘅意粉好硬身，感覺似僅僅熟，煮唔透，唔好食，但帶子同蝦都好足料！平時覺得呢間不錯，但呢晚係有啲失手。另外叫左兩杯特飲，五百幾埋單。