瀧本日式料理

今日同班friend去咗香港瀧本日式料理放題，😍 三文魚腩肥美到入口即化，仲有吞拿魚刺身紅潤鮮豔，肉質豐腴厚實，一啖咬落去，即刻感受到海洋嘅鮮甜。片片刀功十足，厚薄適中，入口即溶。最抵讚係佢嘅新鮮度，完全冇腥味，反而有種清甜嘅回甘

壽司都唔輸蝕，火炙左口魚裙邊壽司油香滿溢，仲有花之戀，鮮味十足～ 🍣 熟食方面，黑椒乾鍋一口牛同蒲燒鰻魚係驚喜之作，香口又juicy！

玉子壽司真係搶鏡又搶味！😍 入口超柔滑，蛋香同芝士香互相纏綿，甜度啱啱好，唔會搶咗醋飯本身嘅風味。

最後梗係仲有大熱既榴槤炸彈做結尾💯

呢個價錢食到咁多款高質日本嘢，已經收貨啦！一定會再encore～