麵屋丸京

營業中

休息中

話說今日lunch嘅時候朋友喺WhatsApp send咗呢間拉麵店出嚟，仲要勁近我就系深水埗，咁我梗係要試一試啦今日試咗最大分別丸雞拉麵同埋丸京拉麵，如果比較大食嘅朋友真係可以揀最大份嘅軟雞拉麵，不過佢嘅炸雞扒等得比較來起碼都要10分鐘以上，雞扒係厚切好大塊，食落去有啲辣辣地，不過相對地乾身咗少少，唔夠嫩滑，而且我覺得個炸雞扒浸左落啲湯度令到個炸粉吸左水感覺有不太好，分開上會比較好丸京拉麵就有2款叉燒，分別係普通叉燒同埋慢煮嘅叉燒，第一次食咁粉紅嘅叉燒，不過叉燒嘅口感對於我來講都係比較相對乾身，雖然係好大塊但係好薄，冇咗叉燒嗰種肥瘦適中嘅口感，所以個人口味覺得麻麻地，不過唔鍾意食肥肉嘅人一定好岩！我哋兩個拉麵都係選擇左濃湯底，我個人應為個濃湯底雖然都夠鹹不過風味來講硬係差少少，食唔到日本拉麵嗰種精粹，下次或者會選擇另一個湯底再試試，拉麵係冇得選擇軟硬口感，而且份量吾系好多，所以大食既男士可能要加麵底總括嚟講呢間嘅拉麵不過不失，湯底來講食完唔會覺得十分之口渴，不過飲杯冰水就最完美！