影片
更多
2015-06-15
629 瀏覽
食物方面，真係只有更差，沒有最差不嬲呢間野食完係會好頸渴，但因為我真係好中意食酸辣粉，港島區冇咩選擇先食呢間以前酸辣粉套餐，有好多小菜可以配搭，而家得返幾樣野揀揀得落手就只得兩三款佢既雞太肥，肥油雞皮仲厚過肉，食過一次冇再嗌老水拼盤，乾爭爭咁。。。就只剩下豬耳同肚可揀但每次去，味道總係不同，有時好多汁，有時乾撈咁味道還可以，但份量真係少得可憐。。。以前仲有個酸辣粉打救下，但近排唔知咩事，個bb辣愈來愈清，但油份又依舊喎！d配菜又愈來愈少，個樣好唔酸辣粉。。。有時會嗌埋炒薯絲，但。。。佢地好似配菜同例牌同一個size囉！每次食完，都要再去搵野食。。。另外，呢間野可唔可以有返少少，真係基本到不能再基本既衛生意識呀？今晚食飯，睇住個四眼妹侍應不斷咳，唔掩口，冇戴口罩，最正既係佢拎野食俾客，一路行，一路對住碗野咳。。。點解我要容忍你加料呢？我唔想食你d細菌同口水喎。。由於間店好細，佢周圍走周圍咳嗰下，我已經食唔落任何野，埋單走人長期食呢間分店，真係唔想因為“人”既問題而不再光顧，同個好似高級d既灰衫男人講啦，希望佢地注意下啦！（特別而家仲要有MERS），回應係“哦”同不屑眼神。。。唉。。。我
不嬲呢間野食完係會好頸渴，但因為我真係好中意食酸辣粉，港島區冇咩選擇先食呢間
以前酸辣粉套餐，有好多小菜可以配搭，而家得返幾樣野揀
揀得落手就只得兩三款
佢既雞太肥，肥油雞皮仲厚過肉，食過一次冇再嗌
老水拼盤，乾爭爭咁。。。
就只剩下豬耳同肚可揀
但每次去，味道總係不同，有時好多汁，有時乾撈咁
味道還可以，但份量真係少得可憐。。。
以前仲有個酸辣粉打救下，
但近排唔知咩事，個bb辣愈來愈清，但油份又依舊喎！
d配菜又愈來愈少，個樣好唔酸辣粉。。。
有時會嗌埋炒薯絲，但。。。佢地好似配菜同例牌同一個size囉！
每次食完，都要再去搵野食。。。
另外，呢間野可唔可以有返少少，真係基本到不能再基本既衛生意識呀？
今晚食飯，睇住個四眼妹侍應不斷咳，唔掩口，冇戴口罩，最正既係佢拎野食俾客，一路行，一路對住碗野咳。。。
點解我要容忍你加料呢？我唔想食你d細菌同口水喎。。
由於間店好細，佢周圍走周圍咳嗰下，我已經食唔落任何野，埋單走人
長期食呢間分店，真係唔想因為“人”既問題而不再光顧，同個好似高級d既灰衫男人講啦，希望佢地注意下啦！（特別而家仲要有MERS），回應係“哦”同不屑眼神。。。唉。。。
我都唔明自己點解要黎食細菌同食左成肚氣
侍應都亂咁黎，廚房不敢想像
想食菌同受氣既，歡迎去呢間
題外話/補充資料：
一間食店，乾淨衛生是很基本吧？ 不過。。。佢地服務態度唔好都唔係第一次。。。
上次無端端話我地做咩坐左落佢地留俾朋友既位，要我地起身。。。但佢地帶位架喎!
(以上食評乃用戶個人意見 , 並不代表OpenRice之觀點。)
張貼