影片
更多
2022-12-31
127 瀏覽
每次嚟銅鑼灣諗唔到食咩嘅時候都諗起呢間野😂😂반찬앤쿡嘅「반찬」 其實係韓式伴菜嘅意思🍽️而呢間韓式咖啡店就係主打食蛋包飯同炸雞🤤我自己食過兩次，覺得佢啲食物質素高，而且環境又靚🌸佢係行少女風，好多花花草草🌸🤣座位寬闊得嚟坐得好舒服😌朋友想坐低聚舊就好適合💛🌟燉牛肋骨蛋包飯 $142 (4/5)既然呢度出名食蛋包飯，當然要叫一個嚟試下😌上枱嘅時候超動L！店員會俾我哋影完相之後再𠝹開，入面超流心🤤一𠝹開啲蛋汁就流哂出嚟❤️蛋好嫩滑，加埋個粒粒分明嘅炒飯底真係好正😆燉牛肋骨大大舊，燜到好淋好入味！🥹仲要啲筋位都燜得淋，食落去有膠質嘅感覺❣️隔離仲有大大舊蘿蔔、荀同冬菇🤤都好入味呀😌🌟蜜糖炸雞 (半份$108/全份$208) (4/5)身為炸雞控嘅我😍好鍾意呢度嘅炸雞有得揀冇骨+半份🤣啱哂我呢啲鍾意啖啖肉，成日想食炸雞但一份又食唔哂嘅人😆而呢個蜜糖炸雞係超推介！👍🏻🤤半份嘅份量已經好多，仲要每舊炸雞都大大舊，每一件都沾滿咗蜜糖醬🤤🤤甜甜地好好食❤️錦上添花係佢仲配有煙煙韌韌嘅年糕🥰佢啲年糕好似炸過咁，外脆內煙韌，口超好的💞不過唯一不足嘅係佢炸得有啲乾，食落雞肉有啲鞋😳🌟甜辣炸雞 (半份$108/全份$
每次嚟銅鑼灣諗唔到食咩嘅時候都諗起呢間野😂😂반찬앤쿡嘅「반찬」 其實係韓式伴菜嘅意思🍽️而呢間韓式咖啡店就係主打食蛋包飯同炸雞🤤我自己食過兩次，覺得佢啲食物質素高，而且環境又靚🌸佢係行少女風，好多花花草草🌸🤣座位寬闊得嚟坐得好舒服😌朋友想坐低聚舊就好適合💛
🌟燉牛肋骨蛋包飯 $142 (4/5)
既然呢度出名食蛋包飯，當然要叫一個嚟試下😌上枱嘅時候超動L！店員會俾我哋影完相之後再𠝹開，入面超流心🤤一𠝹開啲蛋汁就流哂出嚟❤️蛋好嫩滑，加埋個粒粒分明嘅炒飯底真係好正😆燉牛肋骨大大舊，燜到好淋好入味！🥹仲要啲筋位都燜得淋，食落去有膠質嘅感覺❣️隔離仲有大大舊蘿蔔、荀同冬菇🤤都好入味呀😌
🌟蜜糖炸雞 (半份$108/全份$208) (4/5)
身為炸雞控嘅我😍好鍾意呢度嘅炸雞有得揀冇骨+半份🤣啱哂我呢啲鍾意啖啖肉，成日想食炸雞但一份又食唔哂嘅人😆而呢個蜜糖炸雞係超推介！👍🏻🤤半份嘅份量已經好多，仲要每舊炸雞都大大舊，每一件都沾滿咗蜜糖醬🤤🤤甜甜地好好食❤️錦上添花係佢仲配有煙煙韌韌嘅年糕🥰佢啲年糕好似炸過咁，外脆內煙韌，口超好的💞不過唯一不足嘅係佢炸得有啲乾，食落雞肉有啲鞋😳
🌟甜辣炸雞 (半份$108/全份$208) (3/5)
其實就係個醬轉咗韓式甜辣醬🤣🤣不過我就覺得太濃味同太多汁😂食落口成口醬汁，我都係鍾意蜜糖味😗
🌟炸芝士豬扒忌廉年糕 $105 (4.5/5)
見到張圖嘅芝心豬扒覺得好邪惡好正😍豬扒啱啱炸起，熱辣辣同埋好脆！中間係拉絲嘅Mozzarella Cheese🧀食落口層次分明，脆卜卜嘅豬扒加芝士真係超邪惡😈下面係卡邦尼年糕🥰佢嘅年糕同平時食開嗰啲唔同～有啲似狗仔粉🤣長條形㗎！忌廉汁好濃同好掛汁，食落好creamy又好煙韌🤤配合埋啲蘑菇真係一流💛不過真係要share~好易漏㗎😈🤣
🌟泡菜豬肉煎餅 $78 (3/5)
呢個煎餅件件都好大塊😂食落好濃嘅泡菜味，不過豬肉嘅口感就唔太食得出😗而且我覺得佢太厚粉～佢仲俾咗個好似泰式酸辣汁咁樣嘅野俾我哋點～點咗就惹味好多😉
🌟夏至士多啤梨香蕉奶昔🍓 🍌$48 (4/5)
正正常常嘅士多啤梨香蕉奶昔🤣香蕉味唔算好出，飲落反而有乳酪嘅感覺🤣食完濃味野飲一啖覺得幾fresh😋
🌟傳統生米酒 $138 (2/5)
可能係我唔鍾意飲生米酒🤧我就覺得酒味太濃烈，唔太容易入口🥹不過朋友都鍾意飲的～
個人覺得呢間係值得回頭嘅韓國餐廳😆😋價錢唔算貴，但質素真係幾好❣️
🍗韓式炸雞排行榜🌟(綜合價錢/味道/環境/服務)
🥇Red Chicken紅雞
🥈李家
🥉Banchan & Cook / Terrace in Seaside
4. Goobne Chicken
5. Chimac
6. Outdark
7. BHC
8. 小火焰韓式咖啡廳
9. Pizza Maru
10. 咯咯雞
11. Nene Chicken
12. 梨泰院
13. Sodam Chicken
14. Dodam Chicken
15. Mr. K Pizza N Chicken
16. 韓閣
17. Yadllie Plate
18. 熨烤達人
19. 星星
20. ChumChummi
加一服務費：✅
回頭率：❤️❤️❤️❤️❤️ (5個❤️為滿分)
📍地址：반찬앤쿡 Banchan and Cook (時代廣場) (銅鑼灣)
銅鑼灣勿地臣街1號時代廣場9樓922-923號舖
張貼
