Hungry Monkey (金朝陽中心二期 - Midtown) (已結業)

#銅鑼灣地膽 好姐妹生日想食鐵板燒，一於再去之前lunch 食過嘅Hungry Monkey！餐牌主打鐵板燒；有下酒小食、肉類、海鮮等！點完餐就送上原個番茄沙律，酸酸甜甜十分開胃！ 🦑螢光魷魚：前菜點了滿滿海水味嘅螢光魷魚！鮮脆爽甜！🐚辣酒東風螺：香味同辣味足，夠哂刺激蕾！螺肉結實彈牙！好食到停唔倒口！作下酒菜一流！🥩香蔥牛肉薄燒：脂香肉嫩嘅牛肉薄燒，包裹住香蔥同脆蒜，口感豐富，層次分明！係我最愛嘅菜式！ 🦪煎蠔： 肥美飽滿嘅煎蠔，一口食落去爆汁又鮮甜！可加小小檸檬汁吊味更水滋味！🍖伊比利亞豬：燒得油脂甘香，肥瘦分明，肉汁滿滿！相當唔錯！🍖香煎羊架：燒得焦香肉嫩，肉質厚實帶點韌勁，估唔到咁出色！🍳芝士御好燒：厚厚嘅御好燒，面層有木魚絲及芝士醬，煎得香脆入口唔油膩，口感同味道都滿分！🥤䬣品點了蘋果及桃味梳打，日本的味道！🍰炸朱古力/日本蛋捲：炸至外脆內軟嘅朱古力十分驚喜，食埋香甜嘅香蕉味蛋捲大滿足！Hungry Monkey 地址 📍：銅鑼灣登龍街1號金朝陽中心二期地下B號舖