阿荔車仔麵

營業中

休息中

是晚又嚟到荃灣食嘢，今次揀咗一間好出名嘅車仔麵試下，叫阿荔車仔麵，聽網民講佢有新款食法㗎。除咗一般嘅兩餸車仔麵，佢仲有沙嗲汁沾麵，黑蒜油撈麵，麻辣撈麵等，又真係幾特別喎。⭐十喜大碗麵實在太多嘢揀，朋友最後決定要個十喜大碗麵，一次過有十款餸唔使諗，要咗清湯底再加藤椒麻辣汁。十餸有花膠扒、魚蛋、五花腩、豬大腸、黑糖豬手、冬菇、豬紅、豬皮、蘿蔔同時菜。其中五花腩同豬大腸滷得入味最為驚喜，花膠扒大大塊有口感，其他啲餸都唔錯😋藤椒麻辣汁麻麻辣辣夠香口，不過中辣都唔算好辣，嚐辣嘅朋友話下次要叫大辣喎。⭐胡椒豬肚嫩雞絲湯麵 + 芫荽山自己就試下胡椒豬肚湯，麵條改要手工拉麵。湯底胡椒味幾濃，鹹中帶辛辣，幾好未呀。手工拉麵彈牙有口感，感覺有啲似上海麵，吸滿湯汁正喎。⭐辣菜脯如果愛辣記住加埋佢哋嘅辣菜脯，入口真係勁辣，舌頭有麻麻刺刺嘅感覺，越食越上癮㗎。⭐白桃烏龍茶 & ⭐凍檸樂再加咗凍飲，一樽白桃烏龍茶同一杯凍檸茶，冰冰涼涼真心正。見隔離枱食沙爹醬沾麵好似好正咁喎，下次試下先。