影片
更多
2022-08-24
2741 瀏覽
安平燒肉係燒肉界嚟講都幾高人氣🔥今次我就嚟到旺角呢間分店試下，另外仲有荃灣分店。呢度主打台式燒肉，店內掛滿啲燈籠裝飾，都有啲台灣風味。今次就試下澳州M5和牛吃到飽🤰🏻套餐，好多食材都係台灣運嚟，120分鐘可以任食多款和牛、安格斯牛、海鮮、小食等，選擇超級豐富。另外呢度仲有自助嘅蔬菜區、自製滷水汁拌飯，同埋唔同口味嘅樽裝冷泡茶，同朋友聚會就啱晒😁澳洲M5和牛吃到飽套餐嚴選牛舌芯、澳州M5和牛、安格斯牛小排、美國SRF極黑牛、原味上選牛腹肉、鹽燒牛舌、鹽蒜麻油和牛柳、鹽蒜麻油燒牛腸、薑汁厚切雪花豬、薑汁雞腿肉一坐低每人會先附送牛舌芯，輕輕燒一燒已經充滿油脂香，肉質腍滑😗幾款和牛、牛小排、極黑牛等油脂分佈均勻，冇乜調味，食到比較純粹嘅牛味，點少少秘製嘅黃金醬就啱晒👍🏻👍🏻醃製嘅肉類方面，推介鹽蒜麻油和牛柳😋😋鹹鹹香香味道好好，而且牛柳好腍。薑汁雞腿肉都幾好食，厚肉但完全唔鞋。比較特別嘅有牛腸，燒完之後迫晒啲油份出嚟，所以唔會油膩，口感煙煙靱靱幾得意😆燒帆立貝、烤中卷、麻辣章魚燙、雞泡魚乾、安平炸蚵卷海鮮都有唔少選擇，帆立貝勁大粒😻夠新鮮；麻辣燙章魚出面好少見，章魚幾彈牙，都幾辣下🥵🤣嗜辣之人
澳洲M5和牛吃到飽套餐
嚴選牛舌芯、澳州M5和牛、安格斯牛小排、美國SRF極黑牛、原味上選牛腹肉、鹽燒牛舌、鹽蒜麻油和牛柳、鹽蒜麻油燒牛腸、薑汁厚切雪花豬、薑汁雞腿肉
一坐低每人會先附送牛舌芯，輕輕燒一燒已經充滿油脂香，肉質腍滑😗幾款和牛、牛小排、極黑牛等油脂分佈均勻，冇乜調味，食到比較純粹嘅牛味，點少少秘製嘅黃金醬就啱晒👍🏻👍🏻醃製嘅肉類方面，推介鹽蒜麻油和牛柳😋😋鹹鹹香香味道好好，而且牛柳好腍。薑汁雞腿肉都幾好食，厚肉但完全唔鞋。比較特別嘅有牛腸，燒完之後迫晒啲油份出嚟，所以唔會油膩，口感煙煙靱靱幾得意😆
燒帆立貝、烤中卷、麻辣章魚燙、雞泡魚乾、安平炸蚵卷
海鮮都有唔少選擇，帆立貝勁大粒😻夠新鮮；麻辣燙章魚出面好少見，章魚幾彈牙，都幾辣下🥵🤣嗜辣之人可以一試。炸蚵卷係台灣特色小食嚟，脆卜卜好香口。
蔬菜、飲品、飯、甜品
除咗scan qr code點餐之外，仲可以出去自助區任拎各款蔬菜、飲品同飯。我自己好鍾意佢啲冷泡茶，唔同其他放題店普通嘅紙包飲品汽水，有誠意❤️大胃王仲可以自己整個鹵水汁拌飯😏撈勻紫菜、櫻花蝦、蔥蒜等，配上香甜嘅醬汁，味道有驚喜。最後食飽飽仲有甜品附送，可以揀雪糕或者芋圓，好滿足😚😚
人均消費：$440
推介指數（10分為滿分）：8分
張貼
