牛魔 (已結業)

放假同朋友去行街，唔知食咩好，見到呢間食燒肉都幾抵就入去食，lunch時間都好爆場。燒肉自選定食食材有和牛牛肩肉，薄切和牛牛舌，澳洲和牛胸腹，豚肉五花薄切 ，豚肉五花厚切 ，黑毛豬頸肉，醬油烏肶肉。和牛牛肩肉牛肉味道濃郁，入口嫩滑，薄切和牛牛舌口感爽脆，澳洲和牛胸腹油脂豐富，豚肉五花厚切肥瘦均勻，黑毛豬頸肉食落爽口有彈性，醬油烏肶肉肉質嫩滑。牛魔燒肉盛合呢個中意食牛嘅朋友一定要叫，有A4和牛霜降 ，澳洲和牛西冷，澳洲和牛胸腹 ，澳洲和牛五花,厚切和牛舌，和牛牛肩肉，牛味超級濃郁，入口軟林多汁，好味。特飲系列巨峰同鳳梨飲落味道酸酸甜甜，仲有椰果好有咬口。