潮州人粉麵店

營業中

休息中

呢間潮式粉麵店應該算係區內最多人食嘅一間，今次星期六下晝嚟到，都見到有大約十幾人排隊。我哋排咗20至30分鐘先可以入座。我叫咗蝴蝶腩米 (中) ($42, 8.5/10)，白胡椒湯底味道突出，淨係個湯底配米粉已經好正。蝴蝶腩稔滑唔黐牙，米粉係東莞米粉，雖然比銀絲米粉粗身，但口感較滑。食潮式粉麵點少得辣椒油，店主自家製嘅辣椒油落少少已經好辣，用嚟點蝴蝶腩非常惹味。雖然枱面仲有魚露同冬菜，不過我覺得個湯底已經非常夠味，唔需要再落其他野去吊味。呢間粉麵店雖然最出名係食豬什，但係其實蝴蝶腩都好正。