影片
更多
2025-01-23
251 瀏覽
臨近新年唔同餐廳都推出充分節慶氣氛嘅新春menu。呢間喺K11嘅日式cafe都唔例外，推出咗幾款過年限定餐品。金蛇賀歲寶箱盛合 $92賀歲盛合入面有6種食物，每款都有佢嘅新年含意，非常好意頭。好似黑豆寓意除厄運；蓮藕寄語新一年前途一片光明；紅白魚板代表冇病冇痛；蝦就解作長壽；炸雞就係財運滾滾；而惠方卷因為用上7種食材就象徵七福神。麻婆豆腐和牛蛋包飯 $145嚟得呢到當然要食佢哋嘅蛋包飯，揀咗新出嘅麻婆豆腐口味，豆腐麻中帶辣好惹味，肉碎係用和牛做，加埋嫩滑炒蛋同茄汁底炒飯，食到停唔到口。跨年稻荷腐皮紅白年糕烏冬 $85稻荷烏冬除咗有大大塊軟熟腐皮，仲有紅白年糕，烏冬煙韌彈牙。鯛魚燒紅豆吐司盛盒 $122甜品盛合有鯛魚燒、紅豆吐司同q彈軟滑嘅布甸，夠晒豐富。吐司香脆鬆軟，配埋香甜紅豆蓉，非常滿足。寒冬甘栗咖啡 $68咖啡入面有栗子蓉同原粒栗子，栗子香得嚟唔會太甜，好有秋冬氣息。二番甜薯牛乳 $58朋友叫咗杯甜薯牛乳，紫薯味好香，奶味都好濃，紫色加上白色勁夢幻。我哋食完先發現原來只要叫「招福開運惠方卷」一客同follow餐廳(choubo_kissaten) instagram ，就可以參
金蛇賀歲寶箱盛合 $92
賀歲盛合入面有6種食物，每款都有佢嘅新年含意，非常好意頭。好似黑豆寓意除厄運；蓮藕寄語新一年前途一片光明；紅白魚板代表冇病冇痛；蝦就解作長壽；炸雞就係財運滾滾；而惠方卷因為用上7種食材就象徵七福神。
麻婆豆腐和牛蛋包飯 $145
嚟得呢到當然要食佢哋嘅蛋包飯，揀咗新出嘅麻婆豆腐口味，豆腐麻中帶辣好惹味，肉碎係用和牛做，加埋嫩滑炒蛋同茄汁底炒飯，食到停唔到口。
跨年稻荷腐皮紅白年糕烏冬 $85
稻荷烏冬除咗有大大塊軟熟腐皮，仲有紅白年糕，烏冬煙韌彈牙。
鯛魚燒紅豆吐司盛盒 $122
甜品盛合有鯛魚燒、紅豆吐司同q彈軟滑嘅布甸，夠晒豐富。吐司香脆鬆軟，配埋香甜紅豆蓉，非常滿足。
寒冬甘栗咖啡 $68
咖啡入面有栗子蓉同原粒栗子，栗子香得嚟唔會太甜，好有秋冬氣息。
二番甜薯牛乳 $58
朋友叫咗杯甜薯牛乳，紫薯味好香，奶味都好濃，紫色加上白色勁夢幻。
我哋食完先發現原來只要叫「招福開運惠方卷」一客同follow餐廳(choubo_kissaten) instagram ，就可以參加餐廳搞嘅「祈願2025！招福入屋！」新春活動，只要向住「西南西」方位位置喺2分鐘內食晒成條「招福開運惠方卷」，就可以有全單8折優惠，挑戰失敗都有安慰獎！不過已經好飽就冇玩到，有興趣嘅朋友可以挑戰吓。
。
。
喫茶ちょうぼ (尖沙咀)
尖沙咀河內道18號K11購物藝術館1樓117-118號舖
。
。
張貼
