影片
更多
2021-09-28
70 瀏覽
💎總評分：8.0/10-荃灣店裝修完後繼續日日爆場！主打抵食多選擇，湯底由養生到重口味都已經有16款，120分鐘放題⏰，自助區分別有冷盤、熟食、蔬菜、丸類、調味料區、飲品同雪糕機🍦。最近喺葵芳新開左旗艦店，面積有成13,000尺大嫁！1️⃣ Set B 「特選安格斯牛」$198 (假日+$10)今次小編揀左中價 set，肉類款式相對多，包括美國安格斯牛🐂、封門柳、牛脷心托、美國安格斯牛板腱、西班牙黑飼豬🐖、紐西蘭羊卷肉🐑。大胃王朋友食左18碟肉，除左羊之外小編都有試，切得夠薄一淥就熟，肉質唔鞋，好對得住呢個價錢。🍲湯底轉鴛鴦鍋需加$50，揀左冬陰公味，好濃味基本上唔洗再點調味料；另一個沙蔘肉竹鯊魚骨湯同樣足料，唔重味精！鴛鴦鍋通病打到一半兩邊自然地mix埋了😅🦐海鮮類蝦、元貝、沙白、白鱔片、脆肉鯇等大路野有齊。必食半寸厚花膠✨，同幾千蚊一塊嗰D膠質當然無得比，但係大大塊絶無hea你成份👍🏻。貝殼類新鮮洗得乾淨，魚肉驚喜地爽滑😋。🥟手工餃丸類自助區拎到嘅有大路野，看圖都見有13款。用app可以點埋黑松露手打墨魚滑、孜然雞丸、雞件、田雞、豬肚、豬皮、水魷等🦑。仲好體貼地有素肉丸！必叫8寸長蟹柳
-
荃灣店裝修完後繼續日日爆場！主打抵食多選擇，湯底由養生到重口味都已經有16款，120分鐘放題⏰，自助區分別有冷盤、熟食、蔬菜、丸類、調味料區、飲品同雪糕機🍦。
最近喺葵芳新開左旗艦店，面積有成13,000尺大嫁！
1️⃣ Set B 「特選安格斯牛」$198 (假日+$10)
今次小編揀左中價 set，肉類款式相對多，包括美國安格斯牛🐂、封門柳、牛脷心托、美國安格斯牛板腱、西班牙黑飼豬🐖、紐西蘭羊卷肉🐑。大胃王朋友食左18碟肉，除左羊之外小編都有試，切得夠薄一淥就熟，肉質唔鞋，好對得住呢個價錢。
🍲湯底
轉鴛鴦鍋需加$50，揀左冬陰公味，好濃味基本上唔洗再點調味料；另一個沙蔘肉竹鯊魚骨湯同樣足料，唔重味精！鴛鴦鍋通病打到一半兩邊自然地mix埋了😅
🦐海鮮類
蝦、元貝、沙白、白鱔片、脆肉鯇等大路野有齊。必食半寸厚花膠✨，同幾千蚊一塊嗰D膠質當然無得比，但係大大塊絶無hea你成份👍🏻。貝殼類新鮮洗得乾淨，魚肉驚喜地爽滑😋。
🥟手工餃丸類
自助區拎到嘅有大路野，看圖都見有13款。用app可以點埋黑松露手打墨魚滑、孜然雞丸、雞件、田雞、豬肚、豬皮、水魷等🦑。仲好體貼地有素肉丸！必叫8寸長蟹柳✨佢唔係得個長字，食落都好滑溜，幾特別！
🥗 蔬菜類
萵荀、日本南瓜、芋絲、菇類等都好齊全👏🏻。尤其推薦蜂巢豆腐，全完吸晒湯底味道，推薦✨！自助區仲有生菜菜心嗰D🥬，放雪櫃內保持新鮮。
🍚 主食類
小編無叫D咁頂胃嘅野，不過有稻庭烏冬，出前一丁，仲有胡椒麵！自助區仲有炒飯！
🧃飲品區
超多選擇！除左基本汽水同紙包飲品外，仲有4款自家製飲品，膠樽上仲好貼心咁印左功效同禁忌♥️！小編試左"養生洛神花茶"，好飲但味道偏甜。寶寶試左"滋潤冰糖燉檸檬"就覺得怪怪地，fd子們試埋"營養蝶豆花茶"同"提神薄荷烏龍茶"，都覺得好解喝又感覺上健康D。啤酒🍻就要另外收費，價錢亦合埋。
總括嚟講 - 上菜快，選擇多，湯底足料，食物質素中規中矩，有幾樣必食推介✨，飲品有心思。環境唔係走高級路線但都坐得舒服乾淨，可以話係CP值爆嘅一間親民價火鍋放題💯。
-
環境服務：⭐⭐⭐
食物質數：⭐⭐⭐
打卡指數：⭐⭐⭐
題外話/補充資料：
🚗 可以泊寶石大廈停車場，行一兩個街口左右。呢度dinner time泊街中招率好高。
(以上食評乃用戶個人意見 , 並不代表OpenRice之觀點。)
張貼
