影片
更多
2022-01-22
1737 瀏覽
近排愛上了去希雲街搵食，繼早前幫襯了街口嗰間漢堡包三文治店，這天又再次出動，而今次就揀左呢間人氣 Hit 爆嘅拉花咖啡店「Sleepless」。門面以啡木色為主調，裝潢帶點歐陸風，店內地方不大，佈置簡約，靠牆位置擺放了一張黑色大梳化，配上幾個軟熟嘅 cushion，感覺都幾 warm。食物以輕食為主，有班尼迪蛋、全日早餐、意粉、意大利飯、沙律、小食等，唔少得嘅，當然仲有餐廳主打嘅回魂啡。先嚟一客香口小食 Grapefruit Wings ($58)，雞翼大大隻，炸至金黃香脆，面頭淋滿了蜂蜜柚子醬，食落甜甜酸酸，帶濃郁嘅柚子清香，十分開胃！All-Day Breakfast ($138) 全日早餐賣相非常吸引，而且份量十足，有牛油果多士、車厘茄、黑松露炒滑蛋同沙律，好豐富。牛油果粉嫩淺綠，淨係睇外表已經很討人歡心。食落當然味道亦唔錯，肉質細膩鮮美，好似食緊乳酪咁，帶核桃的香味。炒滑非常滑溜，充滿蛋香，加上面頭綴上了一小撮黑松露醬，入口陣陣幽香。另外呢客 Asari Clams Linguine ($118) 亦做得相當有水準，意粉即叫即製，放上桌時仍新鮮熱辣，用料十足。蜆隻份量不少，
近排愛上了去希雲街搵食，繼早前幫襯了街口嗰間漢堡包三文治店，這天又再次出動，而今次就揀左呢間人氣 Hit 爆嘅拉花咖啡店「Sleepless」。
門面以啡木色為主調，裝潢帶點歐陸風，店內地方不大，佈置簡約，靠牆位置擺放了一張黑色大梳化，配上幾個軟熟嘅 cushion，感覺都幾 warm。
食物以輕食為主，有班尼迪蛋、全日早餐、意粉、意大利飯、沙律、小食等，唔少得嘅，當然仲有餐廳主打嘅回魂啡。
先嚟一客香口小食 Grapefruit Wings ($58)，雞翼大大隻，炸至金黃香脆，面頭淋滿了蜂蜜柚子醬，食落甜甜酸酸，帶濃郁嘅柚子清香，十分開胃！
All-Day Breakfast ($138) 全日早餐賣相非常吸引，而且份量十足，有牛油果多士、車厘茄、黑松露炒滑蛋同沙律，好豐富。牛油果粉嫩淺綠，淨係睇外表已經很討人歡心。
食落當然味道亦唔錯，肉質細膩鮮美，好似食緊乳酪咁，帶核桃的香味。炒滑非常滑溜，充滿蛋香，加上面頭綴上了一小撮黑松露醬，入口陣陣幽香。
另外呢客 Asari Clams Linguine ($118) 亦做得相當有水準，意粉即叫即製，放上桌時仍新鮮熱辣，用料十足。蜆隻份量不少，厚肉得嚟又夠鮮甜，入口無沙。
意粉嘅軟硬度亦啱啱好，扁身細長，食落有好香嘅蒜味，配埋入面嘅洋蔥、唐芹、蕃茄、鯷魚肉碎等一齊食，口感一流。
飲品點咗3D Cappuccino ($60) 同 3D Hoijia Latte ($52)，拉花咖啡賣相超可愛，面頭的立體泡沫小熊拉得十分細緻，入口奶泡綿密輕盈，靚到差啲唔捨得飲。
至於 Hoijia Latte 就用上日本焙茶炮製，入口散發著陣陣焙煎香氣，茶味濃厚又不甜膩。
整體嚟講，食物有水準，服務又夠貼心，絕對值得再訪。
張貼
