五月星牛肉麵

營業中

休息中

駱駝漆大廈出名多好嘢食而呢間都唔例外，除咗提供多款台灣特色美食之外，更有煲仔飯、避風塘系列等，建議午餐時段或8:30後到訪，因為呢啲時間會有優惠小食，聽聞平時多人到要Book位，證明都有啲料到🙈試管鹽酥雞係小店嘅招牌菜之一，可以按個人喜好調配味道，玩得又食得😆 雞塊外脆內嫩好香口，有梅粉、椒鹽、辣粉、紫薯粉、海苔粉同芝士粉，每款嘅味都幾突出，而且就算灑完之後食都唔會覺得好口乾。個人認為甜不辣同地瓜條都可以落粉，前者煙煙韌韌後者酥脆可口。比較飽肚啲嘅小食有肉鬆雙重起司蛋餅，好厚一件，餡料十足，散發着淡淡蛋香氣，口感豐富。大腸包小腸嘅糯米飯好軟糯，腸仔帶鹹香氣，細細一件，感覺唔膩。蚵仔煎薄身，粒粒飽滿，冇腥味，而避風塘豆腐炸至外脆內滑，性價比高。