五月星牛肉麵

喺觀塘返工嘅友人最近搵咗呢間樓上嘅台式餐廳，佢話呢間嘅味道幾正宗，呢日lunch就嚟試吓🤭花甲鮮蝦粉絲呢個花甲粉有勁多配料🙈 有好多新鮮嘅花甲，真係好鮮甜。另外大蝦都幾彈牙🦐 底下我揀咗粉絲，真係勁索汁，湯底幾惹味，有海鮮嘅鮮味，又帶少少辣🥰紅燒牛肚牛肉麵牛肚同牛肉都幾厚身，牛肉炆得好入味，牛肚都幾軟腍🐮 湯底好濃郁，麵質幾有咬口🍜 份量都幾足，真係幾飽肚。避風塘系列小食餐廳新推出咗避風塘系列小食，宵夜時段過嚟仲可以有半價優惠😮 ♦️避風塘超甜粟米超級惹味，粟米粒粒飽滿🌽♦️避風塘豆腐每件豆腐都好滑，配埋香脆嘅避風塘脆脆，兩種口感相映成趣。♦️避風塘單骨雞翼每枝單骨雞翼都炸得好香脆🐥 夠晒乾身。肉鬆雙重起司蛋餅呢個勁足料，外層幾香口，入面嘅餡料好飽滿，有勁多肉鬆同埋兩種芝士🥰 芝士鹽酥雞有大量芝士淋喺鹽酥雞嘅表面，係個少少邪惡，但令人食唔停口嘅小食🐥 鹽酥雞嘅雞肉都幾嫩滑。飲品午市套餐仲可以用半價加配飲品，台灣特飲或者係新出品都可以有優惠🤑♦️黑糖珍珠奶茶雖然幾多黑糖掛杯，但係味道唔會太甜，而且佢嘅珍珠好彈牙🧋♦️奶蓋生椰拿鐵呢個係餐廳嘅新出品，生椰拿鐵嘅椰子味幾香，同咖啡嘅味道幾平衡，面頭有芝士奶蓋🥥呢間台式餐廳都幾正，見到佢仲有煲仔飯系列都好吸引，等我下次過嚟食吓先 。如果喺呢頭返工嘅朋友一定要嚟試吓 呢間餐廳😎…查看更多

今次又有新發現！觀塘駱駝漆工廠大廈入面嘅五月星牛肉麵真係值得一試。招牌紅燒牛肉麵一上枱已經香氣撲鼻，湯底認真濃郁，飲落層次分明。牛腱肉雖然切得薄啲，但勝在夠腍夠入味，四大片啖啖肉，配埋彈牙麵條，絕對開胃！台灣腸拼花枝丸滷肉飯都幾有驚喜，原條台灣腸切半，兩粒花枝丸加埋滷肉，邪惡指數爆燈！份量十足，夠晒飽肚，鹹香味濃，CP值爆表。肉鬆雙重起司蛋餅更加係必試，芝士份量多到拉到絲，包住肉鬆同雞蛋，外層手抓餅香脆，冇醬汁都已經好好味，食落有驚喜感。避風塘單骨雞翼都好推介，香濃蒜香加上單骨設計，食得方便又有港式風味，一啖一件，真係冇得輸！最後仲有黑糖珍珠奶茶（少甜少冰），珍珠煙韌彈牙，甜度啱啱好，飲落冇負擔，健康又解渴。最欣賞員工親切有禮，上菜時會細心介紹每一道菜，感受到小店真心誠意。呢啲有質素又有心嘅本地小店，絕對值得支持！💛#觀塘美食 #駱駝漆工廠大廈 #五月星牛肉麵 #紅燒牛肉麵 #台灣腸花枝丸 #滷肉飯 #肉鬆起司蛋餅 #避風塘雞翼 #黑糖珍珠奶茶 #小店推介…查看更多

上個星期去咗觀塘工業區食台菜近年活化工廈工業區有好多美食我今次就嚟到「 五月星 」勁底飲又好飲 📣📣 半價 奶蓋*生椰拿鐵 及半價 生椰*拿鐵，奶香濃厚，好滑，甜度適中鹽酥雞，炸到外脆水滑，咬落帶汁鹵肉飯，氛香撲鼻，撈埋啲白飯，勁惹味清燉牛肉麵，都幾大碗，牛肉彈牙，麵爽口，湯底唔會咸甜不辣+地瓜條，呢個炸好出色，配酸梅粉感覺好唔同，香脆可口台湾腸+花枝丸拼盤，好有台灣風味 肉鬆起司蛋餅，層次好豐富，即叫即做，熱=)避風塘超甜粟，好食，勁惹味，粟米超甜#觀塘美食 #觀塘工業大廈 #觀塘好去處 #觀塘台灣落 #觀塘台式餐廳…查看更多

🧀肉鬆芝士蛋餅外皮鬆化酥脆，內裏充滿肉鬆及芝士完美融合鹹香濃郁 值得推介。🦪 蚵仔煎蠔仔份量十足而且搭配大量爽口生菜，搭配甜鹹醬汁，好有台灣風味🐮 招牌牛肚牛肉麵 牛肉湯底以 20 小時慢火熬煮，濃郁香醇，牛肚彈牙同蘿蔔軟嫩入味，麵條Q彈入味，而且湯底有飲落去有少少中藥嘅感覺。🧪🍗試管鹽酥雞：鹽酥雞搭配創意試管調味料，口味任選：海苔、梅粉、椒鹽、孜然、辣粉、紫薯粉！最重點落幾款都可以！🍲 豉汁白鱔臘腸煲仔飯白鱔新鮮爽口，臘腸香氣濃郁，加上甜特別好食，食落去好多飯焦香脆😋好有層次感！🌿 百香果綠茶：酸甜清爽，解膩首選。🍯 黑糖撞奶：濃郁黑糖香，奶香滑順，甜而不膩。🍑 水蜜桃多多：果香馥郁，口感清新，少女心爆棚！…查看更多

餐廳由煲仔飯到台灣小食樣樣有，款式多到選擇困難症發作！重點係質素真心高，絕對值得專程登門拜訪。🌟 必食推薦 🌟🍖 剁椒排骨臘腸煲仔飯
一上桌香氣撲鼻！煲蓋一開，見到鋪滿嘅剁椒同臘腸，已經流口水。排骨用上新鮮肉，肉質特別嫩滑，同臘腸嘅油香完美融合。最正係飯焦（鍋巴）金黃香脆，🍜 豐盛撈檬
材料超級豐富！有單骨雞翼、香茅豬頸肉、扎肉同春卷。豬頸肉燒得香口，檬粉酸酸甜甜好開胃，份量十足，一個人食絕對夠飽。🌽 避風塘粟米
必點小食！成條粟米沾滿避風塘蒜酥，鹹香惹味，食到停唔到口。🦪 蚵仔煎 & 🫔 肉鬆芝士蛋餅
蚵仔煎蠔仔份量足，粉漿薄身；蛋餅即叫即煎，拉絲芝士配肉鬆，邪惡但好滿足！🍹 水蜜桃益力多 & 芝士奶蓋紅茶
飲品都絕不馬虎，大大杯，味道調得剛好，解渴又解膩。📍 總結：
食物種類多，水準高，而且價錢合理。煲仔飯絕對係招牌，小食亦非常有特色。…查看更多