影片
更多
2023-03-13
36 瀏覽
人氣一直高企嘅麻辣風雲，ToNick嘅恆仔有份投資，主打四川麻辣嘢，當然要撐下。以前食麻辣嘢，要過深圳探魚食海底撈。我一直對此不感興趣，除咗消費平，基本上冇咩更吸引。既然香港都食到，都應該幫襯自己友。一坐低，即奉上兩碟前菜。其中一碟係好耐冇見嘅中華沙律。🥢太極鴛鴦魚 一半係酸菜魚，另一半係水煮魚，啱晒我呢啲選擇困難症。水煮魚充滿麻香，雖然望落去，滿江紅嘅顏色，其實食落去唔係太辣。魚片好嫩，但係又唔會散，配菜蓮藕萵筍加分。秘製酸菜魚是店內招牌，酸菜係自家醃製，唔會過分鹹或酸，湯底嘅味道亦都拿捏得好好。🥢炸饅頭餐廳非常識做生意，基本上係必點嘅餐單。炸饅頭以草船借箭做靈感，船頭仲有個諸葛亮，當然手工可以更加精細。但係一上菜，呢個霸氣嘅畫面，完全好啱打卡。炸饅頭係即叫即仔，唔好以為得個樣，每個都係金黃色，而且唔太油膩。口感脆卜卜，蘸煉奶係邪惡到爆。🥢黑松露煙燻溏心蛋煙熏味好濃，但係都冇蓋過黑松露味。溏心蛋火候控制得好好，蛋黃半生熟，而且味道好好。🥢酸辣老醋海蜇酸菜魚濃味，想配返少少清淡嘅前菜。海蜇粗身而且彈牙，同一般食開嘅好唔同，好有咬口。味道唔算好辣，醋味比較重。🥢鮮檸檬梳打用新鮮檸檬加梳打
以前食麻辣嘢，要過深圳探魚食海底撈。我一直對此不感興趣，除咗消費平，基本上冇咩更吸引。既然香港都食到，都應該幫襯自己友。
一坐低，即奉上兩碟前菜。其中一碟係好耐冇見嘅中華沙律。
🥢太極鴛鴦魚
一半係酸菜魚，另一半係水煮魚，啱晒我呢啲選擇困難症。
水煮魚充滿麻香，雖然望落去，滿江紅嘅顏色，其實食落去唔係太辣。魚片好嫩，但係又唔會散，配菜蓮藕萵筍加分。秘製酸菜魚是店內招牌，酸菜係自家醃製，唔會過分鹹或酸，湯底嘅味道亦都拿捏得好好。
🥢炸饅頭餐廳非常識做生意，基本上係必點嘅餐單。炸饅頭以草船借箭做靈感，船頭仲有個諸葛亮，當然手工可以更加精細。
但係一上菜，呢個霸氣嘅畫面，完全好啱打卡。炸饅頭係即叫即仔，唔好以為得個樣，每個都係金黃色，而且唔太油膩。口感脆卜卜，蘸煉奶係邪惡到爆。
🥢黑松露煙燻溏心蛋煙熏味好濃，但係都冇蓋過黑松露味。溏心蛋火候控制得好好，蛋黃半生熟，而且味道好好。
🥢酸辣老醋海蜇酸菜魚濃味，想配返少少清淡嘅前菜。海蜇粗身而且彈牙，同一般食開嘅好唔同，好有咬口。味道唔算好辣，醋味比較重。
🥢鮮檸檬梳打用新鮮檸檬加梳打水，食完咁多辣嘢，用嚟解渴一流。
一般川菜，調味都會比較濃，麻辣風雲有刻意調校到啱香港人口味，間唔中想食酸菜魚，都足夠你止癮，唔使去咁遠。
張貼
