立鮨 (安富大廈) (已結業)

今晚早收工，見到立鮨唔駛排隊，即刻入去，荃灣呢間立鮨有位座的。店員帶位後，好快比咗個QR code 我自己落單，好方便。一個人食飯嘅好處就係，成枱都係自己鍾意嘅食物🤭：✨原隻璣煮鮑魚$58用醬汁以慢火炆煮，熟度剛好，肉質彈牙，伴以旁邊的日本麵豉醬，加添風味。🥚玉子壽司$9自家製的玉子燒與米飯捆綁一起，賣相可愛，口感鬆軟柔嫩。🦀松葉蟹蓋甲羅燒$78蟹膏釀在蟹蓋中燒香，味道濃郁，燒好後上面還加了大量蟹子，滋味非常😋。🐟鮟鱇魚肝小食$58安康魚肝一直係我很喜歡的小食，肉質細嫩柔軟，口感甘香。🍣嚴選火炙盛合$112一客5件的手握壽司盛合有火炙三文魚、火炙北海道帶子、火炙左口魚邊、火炙中吞拿魚腩及火炙松葉蟹腳。師傅在壽司上用火槍烤至半熟，味道上更添層次，盛合仲有我鍾意嘅松葉蟹腳，好開心。🦑螢光魷魚軍艦及🐟特上地金目鯛壽司見到隔離位個女仔點咗呢兩款壽司，好吸引，我最後也加了。螢光魷魚🦑春天當造，連埋壽司米及紫菜一齊食，味道清爽豐富。金目鯛屬於貴價魚，因肉質細緻鮮美，呢餐大滿足😆。