吉列牛忌廉烏冬專門店 (百樂中心) (已結業)

星期五約咗朋友食晏，去咗銅鑼灣搵食，揀咗呢間人氣餐廳。我哋叫咗幾款嘢食share。吉列牛定食 $148吉列牛已經預先整到三成熟，上枱之後用一個小爐慢慢燒，一路燒牛香慢慢滲出，未食已經流晒口水。牛肉燒到自己想要嘅熟度，之後可以沾上燒汁、沙律醬或者Wasabi，各種配搭各有特色。牛肉油脂恰到好處，有牛味肉質柔軟😋咖哩忌廉鳥冬$88除咗吉列牛，咖喱忌廉烏冬都係呢間舖頭嘅signature嘢食，我哋梗係要食啦。一上枱棉密加忌廉白雪雪一大碗，好吸睛😍用筷子夾落去就可以見到咖喱烏冬，配料我哋揀咗牛肉，佢仲有啲西蘭花、洋蔥同埋菇添。烏冬煙靭，每條都掛上香濃忌廉咖喱汁，口感少少Creamy，好好味😋吉列豬扒茶漬飯$75吉列豬扒都好好食，炸粉唔會太厚，又有酥脆嘅口感，而且一啲都唔油👍🏻裏面嘅豬扒唔會炸得乾柴，肉質唔會硬，配上清清地嘅抹茶湯茶漬飯一齊食，去除咗食肉嘅油膩感，好輕盈嘅感覺。