影片
更多
2022-08-25
570 瀏覽
平時同朋友2人通常都係西餐多，比較少食中菜，今次揀左呢間位於尖沙咀既上海婆婆336，面積好大，估計佔據左2間餐廳打通，地方大坐得好舒服，同三五知己傾計都唔驚嘈到其他人，仲好岩一家大細黎食野，自成一角。每張枱之間隔距比較遠，疫情之下都比較放心。😉*花雕醉雞 $88*就算唔好酒既我都覺得呢碟頭盤好高水準！😌會定為我既no.1，雞好夠嫩滑，雞皮下面會出現一層啫喱既膠原蛋白，証明呢間餐廳做既冷盤幾有水準。呢碟頭盤有齊雞髀同雞上翼，每個部位都好好食😋同朋友最快清晒呢一碟👍🏼*336上海小龍包 $38*上枱熱辣辣，小龍包皮薄餡靚，晶瑩剔透，一眼就望到入面好多湯汁，點埋薑絲醋，味道一流🤤呢個價錢對比起其他鋪頭算抵食🤣黎呢間上海婆婆必試。💯*砂鍋雲吞雞 $193*一鍋有齊晒6粒大雲吞、半隻雞同埋菜，滿足晒同行朋友大胃王既胃口。雲吞啖啖肉，包得非常足料☺️。半隻雞建議3-4人分享，因為真係好大隻🤣*雪糕冰粉 $38*上海菜甜品通常都離唔開個幾樣，今次見到menu有雪糕冰粉，岩晒炎炎夏日🌞果然，一上枱就眼球發光🤩少女心大爆發！第一次見粉紅色既涼粉，條狀涼粉配埋芋頭雪糕🍨，再加埋上面有乾果做裝飾，📸打卡之餘仲
平時同朋友2人通常都係西餐多，比較少食中菜，今次揀左呢間位於尖沙咀既上海婆婆336，面積好大，估計佔據左2間餐廳打通，地方大坐得好舒服，同三五知己傾計都唔驚嘈到其他人，仲好岩一家大細黎食野，自成一角。每張枱之間隔距比較遠，疫情之下都比較放心。😉
*花雕醉雞 $88*
就算唔好酒既我都覺得呢碟頭盤好高水準！😌會定為我既no.1，雞好夠嫩滑，雞皮下面會出現一層啫喱既膠原蛋白，証明呢間餐廳做既冷盤幾有水準。呢碟頭盤有齊雞髀同雞上翼，每個部位都好好食😋同朋友最快清晒呢一碟👍🏼
*336上海小龍包 $38*
上枱熱辣辣，小龍包皮薄餡靚，晶瑩剔透，一眼就望到入面好多湯汁，點埋薑絲醋，味道一流🤤呢個價錢對比起其他鋪頭算抵食🤣黎呢間上海婆婆必試。💯
*砂鍋雲吞雞 $193*
一鍋有齊晒6粒大雲吞、半隻雞同埋菜，滿足晒同行朋友大胃王既胃口。雲吞啖啖肉，包得非常足料☺️。半隻雞建議3-4人分享，因為真係好大隻🤣
*雪糕冰粉 $38*
上海菜甜品通常都離唔開個幾樣，今次見到menu有雪糕冰粉，岩晒炎炎夏日🌞果然，一上枱就眼球發光🤩少女心大爆發！第一次見粉紅色既涼粉，條狀涼粉配埋芋頭雪糕🍨，再加埋上面有乾果做裝飾，📸打卡之餘仲可以用甜品作結！甜度非常適中，唔會太甜😌雪糕仲可以揀榴槤味。
2個人食3個餸1個甜品已經好飽，份量非常足夠。環境亦有別於平時既中菜館，下次一定會再食呢間新派裝飾既上海菜！😍
張貼
