影片
更多
2022-10-30
712 瀏覽
Bookmark咗呢度好一陣時間，對我同狗狗嚟講，呢度都有少少山長水遠架，交通費都唔平。最初一直以為呢度只係一間茶餐廳，點知入到嚟，真係嚇咗我一跳乜呢度地方咁大既？？仲有羊、有雞、有草地，好正呀！我、狗狗爸爸同狗狗入咗室內食嘢。嚟到時都熱，雖然室內的冷氣唔係好大，不過環境好cozy，坐咗一陣，個人靜番落嚟，就完全唔覺得熱，仲越坐越舒服添。好欣賞餐廳除咗准狗狗入室內坐之餘，餐廳職員/負責人仲同我哋講話唔使將狗狗留喺寵物車上，可以俾佢周圍行下，一啲都唔拘謹。餐廳的精選一定係厚切午餐肉煎蛋辛辣麵，不過我同狗狗爸爸冇點，而係叫咗日式漢堡咖喱飯同日式冷烏冬，仲有一杯凍朱古力。餐牌上有2款食物係為毛孩而設：鱷魚肉冬甩（好似）同爆谷，唔貴，每款$38。不過因為嚟之前唔知有dog's menu，所以我哋帶定食物俾狗狗，變咗冇得試添。日式漢堡咖喱飯上檯時冒曬煙，熱辣辣，好啱秋冬呀！不過要小心果2塊漢堡係芝心，饀料特別熱，狗狗爸爸心急，食一啖先知太熱，要攤一陣先好食呀！咖哩好惹味，個飯軟硬適中，好味。日式冷烏冬配料比較少，有少量京蔥、海草、粟米同一隻細size的生蛋。烏冬應該係一個麵量，份量唔係好夠，如果
我、狗狗爸爸同狗狗入咗室內食嘢。嚟到時都熱，雖然室內的冷氣唔係好大，不過環境好cozy，坐咗一陣，個人靜番落嚟，就完全唔覺得熱，仲越坐越舒服添。好欣賞餐廳除咗准狗狗入室內坐之餘，餐廳職員/負責人仲同我哋講話唔使將狗狗留喺寵物車上，可以俾佢周圍行下，一啲都唔拘謹。
餐廳的精選一定係厚切午餐肉煎蛋辛辣麵，不過我同狗狗爸爸冇點，而係叫咗日式漢堡咖喱飯同日式冷烏冬，仲有一杯凍朱古力。餐牌上有2款食物係為毛孩而設：鱷魚肉冬甩（好似）同爆谷，唔貴，每款$38。不過因為嚟之前唔知有dog's menu，所以我哋帶定食物俾狗狗，變咗冇得試添。
日式漢堡咖喱飯上檯時冒曬煙，熱辣辣，好啱秋冬呀！不過要小心果2塊漢堡係芝心，饀料特別熱，狗狗爸爸心急，食一啖先知太熱，要攤一陣先好食呀！咖哩好惹味，個飯軟硬適中，好味。
日式冷烏冬配料比較少，有少量京蔥、海草、粟米同一隻細size的生蛋。烏冬應該係一個麵量，份量唔係好夠，如果當係下午茶都ok，但lunch的話，我覺得唔夠飽。至於味道方面，佢係少調味，以食原味為主。不過，我覺得味道清淡都可以，只係個烏冬煮得唔係好稔，有些少硬（唔知同凍食有冇關？）。我覺得可以改為冷烏冬跟麵豉湯，配中華沙律，可以收貴少少，令味道豐富啲，份量足夠啲。
凍朱古力有啲淡，唔算香濃。
餐廳的職員/負責人非常友善、有禮，難得一見。時值萬聖節，職員/負責人出嚟派糖俾每檯客人，佢見到狗狗，就話等陣再俾啲啱食的狗狗食，冇耐佢就攞住一大盒狗餅乾俾狗狗食，而且佢仲唔介意狗狗食到好瘋狂（好似我哋平時冇餵佢咁），不停keep住送上餅乾。。。狗狗食咗勁多。。。
香港真係冇乜地方係咁寵物友善架，嚟到呢度，就唔係用美食作為評分的基礎，呢度絕對值得推介俾各位狗主，上水對好多人的確係遙遠咗啲，但值得既~~
張貼
