譚仔雲南米線 (遠東金融中心)

營業中

休息中

由手機app拎飛到食到碗麵，大概要等接近一小時，趕時間唔好食。中午時分一早知多人等位，已經用定app拎飛，大約15分後到達，仲要等15分鐘先入得。叫完餐，等5分鐘先有杯阿華田到左，味道淡到不得了，仲要等多20分鐘先有碗米線送上，前後大概要55分鐘。米線到既時候，其實杯涷華田啲冰融到7788，淡而無味。米線就叫左酸辣米線，今次個碗麵係酸辣適中。因為實在太少侍應同呀姐，樓面得幾個人，佢地做到冇停手都應付唔到中午既龐大嘅食客。即使叫人自助落單，但其實大多數人都叫呀姐落單，根本唔夠人做野。譚仔阿姐態度好好，即使午市忙到不行了都保持友善，唯一值得稱讚的事。