影片
更多
2023-09-04
28 瀏覽
大角咀向來都有好多高質私人小店，今次去咗呢間專門做晚市同宵夜嘅潮式餐廳試吓～餐廳古色古香嘅裝修新淨又特別，位置闊落有好多卡位，老闆同員工都好親切，都會行埋嚟問吓啲嘢食嘅味道啱唔啱食，而且都見有唔少熟客仔！老闆娘係潮汕人，特別推薦佢哋嘅招牌潮汕砂鍋粥，配料可以自選，另外佢哋嘅串燒都做得唔錯，抵食而且味道夠晒正宗！小店專做晚市同宵夜，凌晨起身肚餓想搵宵夜食，呢間絕對啱晒！------------------------------🫕◖潮汕砂鍋粥◗ $208叫咗一份細嘅粥底只係$60，粥底配有冬菜、薑絲、芹菜粒、蔥花、菜脯粒，質感好黏厚，米粒飽滿！原來黏厚嘅秘訣係最後放啲花生醬，增添口味味道～可以自選配料加落呢個砂鍋粥到，有唔少海鮮配料選擇，加咗半斤海蝦（+$98）同田雞（+$50），份量都唔少，食落特別鮮甜，份量絕對夠三至四人食用，而且價錢唔算貴，必叫！🦪◖燒原隻魷魚◗ $38成隻魷魚拎去燒，肉質幾軟淋，轉頭灑上嘅調味粉都好足料，香氣味道都好正宗，個人覺得味道會偏辣～🐏◖燒蒙古羊肉串◗ $22羊肉串嚟講，性價比都高，羊肉幾大塊，羊騷味恰到好處，瘦肉同埋脂肪嘅比例啱啱好，有肉嘅質感得嚟
小店專做晚市同宵夜，凌晨起身肚餓想搵宵夜食，呢間絕對啱晒！
------------------------------
🫕◖潮汕砂鍋粥◗ $208
叫咗一份細嘅粥底只係$60，粥底配有冬菜、薑絲、芹菜粒、蔥花、菜脯粒，質感好黏厚，米粒飽滿！原來黏厚嘅秘訣係最後放啲花生醬，增添口味味道～可以自選配料加落呢個砂鍋粥到，有唔少海鮮配料選擇，加咗半斤海蝦（+$98）同田雞（+$50），份量都唔少，食落特別鮮甜，份量絕對夠三至四人食用，而且價錢唔算貴，必叫！
🦪◖燒原隻魷魚◗ $38
成隻魷魚拎去燒，肉質幾軟淋，轉頭灑上嘅調味粉都好足料，香氣味道都好正宗，個人覺得味道會偏辣～
🐏◖燒蒙古羊肉串◗ $22
羊肉串嚟講，性價比都高，羊肉幾大塊，羊騷味恰到好處，瘦肉同埋脂肪嘅比例啱啱好，有肉嘅質感得嚟又會食到啲油香，個人幾鐘意～
🥚◖金花皮蛋◗ $48
金黃色嘅皮蛋賣相好吸引，裏面嘅係溏心嗰種，食落好漿口好甜！幾欣賞佢特登鋪咗啲青瓜喺底，托起啲皮蛋，令到佢唔會過度索晒啲辣油，幾貼心！
🍆◖燒茄子◗ $38
呢個茄子真係不得了，全條上超厚肉，表面鋪滿晒蒜蓉，蒜香味超濃，一大啖口感好滿足，味道一流，但略嫌油多咗啲～
🦑◖燒海兔筆管魚◗ $18
平時好少見呢個呢個名，以原來係墨魚仔，裏面包住啲飛魚籽，一咬落去爆晒出嚟，口感幾爽脆～
🍗◖燒雞腿肉◗ $18
雞腿肉有兩串，幾鍾意佢外面燒得焦脆，但裏面嘅肉質又唔會柴，表面撒滿咗孜然燒烤粉，幾惹味～
🌟 Encore指數：9.1/10
張貼
