影片
更多
2024-10-14
155 瀏覽
事隔大半年先再嚟食嘢。天時暑熱，怕狗狗中暑，就儘量避免盛夏帶佢出街。不過，最近天氣涼番少少，又蠢蠢欲動。呢間餐廳我哋幾鐘意幫襯，因為佢係寵物友善，食物味道又幾好。今次嚟到，我哋仲發現狗狗可以坐入冷氣區添！烤雞菠菜意粉：狗狗爸爸點；佢讚件雞扒肉質柔軟又有肉汁；意粉份量大；忌廉汁非常濃滑，帶菠菜味，醬汁有好多綠色點點；擺盤花過心思，一啲都唔求其蟹肉南瓜蘆筍意大利飯：餐廳幫我走蟹肉；意大利飯配料唔算多，但份量大；米飯熟度剛好，正宗意大利飯會咬到米芯，但我麻麻哋鐘意，反而呢個熟度唔硬亦唔軟爛，較適合一般香港人的胃口；醬汁同樣勁creamy，每啖都好滿足（亦邪惡）；意粉醬重菜味，呢個醬就充滿南瓜的甜味，兩款不相伯仲凍檸茶：會放4片新鮮檸檬的檸茶/檸水可謂絕無僅有，檸檬片仲唔係薄切，非常足料齋啡：嚟過幾次，雖然次次都點咖啡，但佢的確只係普普通通，如果係咖啡愛好者就好失望，但單純想注入咖啡因的話，佢的味道係夠濃帶苦既~我只係想消滯，所以冇乜所謂驚喜哈蜜瓜：侍應幫我哋清理檯上餐碟後，竟然送咗一件哈蜜瓜俾我哋，仲同我哋講：「狗狗終於有嘢啱食喇！」我哋真係超開心呀！原本狗狗有冷氣嘆，經已好感恩，估唔到仲有
呢間餐廳我哋幾鐘意幫襯，因為佢係寵物友善，食物味道又幾好。今次嚟到，我哋仲發現狗狗可以坐入冷氣區添！
烤雞菠菜意粉：狗狗爸爸點；佢讚件雞扒肉質柔軟又有肉汁；意粉份量大；忌廉汁非常濃滑，帶菠菜味，醬汁有好多綠色點點；擺盤花過心思，一啲都唔求其
蟹肉南瓜蘆筍意大利飯：餐廳幫我走蟹肉；意大利飯配料唔算多，但份量大；米飯熟度剛好，正宗意大利飯會咬到米芯，但我麻麻哋鐘意，反而呢個熟度唔硬亦唔軟爛，較適合一般香港人的胃口；醬汁同樣勁creamy，每啖都好滿足（亦邪惡）；意粉醬重菜味，呢個醬就充滿南瓜的甜味，兩款不相伯仲
凍檸茶：會放4片新鮮檸檬的檸茶/檸水可謂絕無僅有，檸檬片仲唔係薄切，非常足料
齋啡：嚟過幾次，雖然次次都點咖啡，但佢的確只係普普通通，如果係咖啡愛好者就好失望，但單純想注入咖啡因的話，佢的味道係夠濃帶苦既~我只係想消滯，所以冇乜所謂
驚喜哈蜜瓜：侍應幫我哋清理檯上餐碟後，竟然送咗一件哈蜜瓜俾我哋，仲同我哋講：「狗狗終於有嘢啱食喇！」我哋真係超開心呀！原本狗狗有冷氣嘆，經已好感恩，估唔到仲有呢個小驚喜，餐廳好窩心！
狗狗食評🐕：我喺度得到好好的款待，覺得好幸福，希望多啲餐廳歡迎我同我的同類啦！遲啲冇咁熱，我可以多啲出動，周圍覓食喇！
張貼
