泰好篤篤餐館

營業中

休息中

今日lunch同同事試吓新嘢，第一次幫襯。Lunch set $42 跟餐可以揀泰式菊花茶或者檸檬茶，轉奶茶、咖啡加$4，今日有楊支甘露揀，唔使另外加錢最早到嘅係青咖哩雞，味道好香，我地個個都覺得好好食，淨係撈汁都可以食好多飯結果我地都覺得唔夠飯，泰國姐姐經過，我地就嗌多個白飯！姐姐比咗碗飯倒咗落碟比我地，仲問我地夠唔夠？到比錢嘅時間先知加飯唔收錢濕炒豬肉河，份量比較少啲，但味道都好好，豬肉有咬口，唔係醃到淋哂嗰啲乾炒雞蛋豬肉河，炒得好香口，可惜係河粉炒得太濕唔夠乾身泰式炒金邊，賣相幾好，炒得幾乾身，有鑊氣泰國姐姐好nice，又同我地傾偈，又教我地泰文！我地呢餐食得好開心