百味閣餐廳

營業中

休息中

今時今日做餐廳真係唔容易，能夠做到十年以上都唔簡單，喺九龍塘呢個小商場就有幾間做咗幾十年嘅老店，呢間就係其中一間，記得年青時候喺度讀書，間唔中有乜嘢慶祝都會嚟下。今日重臨舊地，間餐廳仲喺度，裝修設計方面就好似其他幾十年嘅西餐廳樓咁，冇乜變過，時光倒流三十年嘅感覺，餐廳服務員都係一啲比較資深服務員，同埋一啲老顧客，有講有笑好有人情味。今日下午茶時間嚟到簡簡單單叫咗一個 tea set ，係一個煎龍脷柳套餐，龍利柳係煎幾嫩滑嘅，但係賣相就爭少少啦，例如少咗一啲點算嘅汁醬啦，少咗一啲精緻嘅配菜，整體嚟講睇落係真係有啲過時，不過能夠屹立幾十年，證明賣相唔係最緊要，人情味搭夠。