影片
更多
2010-06-23
152 瀏覽
我本身係土瓜灣街坊, 耐唔時都會去間野度食, 因為我唔食米線的, 每次都只會叫紅薯粉, 我昨天去呢間舖頭買外賣, 叫咗個番茄豬骨湯米線+4個餸 (金菇, 腐皮, 娃娃菜, 酦菜), 當時舖內人不多, 亦只有我一個叫外賣..咁我等咗好一陣子終於可以攞走, 我返到屋企, 打開碗野.嘩....完全貨不對辦, 我叫咗4個餸, 佢得返金菇同腐皮, 娃娃菜唔知飛咗去邊(即係無啦), 酦菜得3小塊(咁我唔駛加3蚊要啦~),我諗住都算, 照食, 但係佢變咗米線~~我真係火都嚟埋~~~我攞住碗米線行返間舖頭~我話: 嘩你頭先點落單架~ 跟住個個幫我落單既女人(佢負責收錢平日黑口黑面我估佢係半個老闆啦)即刻睇返張單啦~佢唔出聲..咁煮個個人就探個頭出嚟(我估佢係老闆啦因為平日d人找老闆係同佢講野的)只係話"我煮過俾你~頭先可能多人" 嘩我行到成身汗咁拿住碗米線(因為我住隔兩條大街~~快行都要10分鐘) 你淨係話煮過俾我...坐都唔叫我坐下...我話你地咁樣好過份~因為我行好遠嚟的~又唔係多人你咁都可以搞到咁錯 (因為當時我已經熱到唔知自己講咩加上佢地既態度真係令我覺得佢地唔覺得自己有問題)因為我預咗佢會"
講真呢間野既番茄豬骨湯底係好味的~佢加埋紅薯粉呢個配搭係令唔食米線既我都會keep住去幫襯佢, 我地呢d土瓜灣地方食野唔會要求服務態度一流, 但起碼都俾返少少對客人既尊重, 何況大家都係街坊, 但佢今次"超錯"既外賣同埋態度~我真係要响度講俾大家聽~~記得買外賣既時候check清楚(無一個客覺得連賣呢d外賣都要check咗先走咯), 如果唔係只會係一肚氣!!!!!!!!哎真係不知所謂
張貼