Tagline

營業中

休息中

去尖沙咀食印度菜，通常都會諗起重慶大廈。不過，想食得舒服啲，原來海旁都有唔錯嘅選擇！位於尖東嘅Tagline，喺正海旁隔離，淨係呢個景都已經無得輸，加上餐廳出品高質嘅印度菜，原來食印度菜係可以咁嘆，真係好Exotic呀！Old Delhi 24K Butter Chicken食印度菜有點少得Butter Chicken呢！用上印度香料、乳酪、洋蔥、蒜頭、薑、蕃茄、腰果等預先醃製，所以雞肉夠晒入味。直至Butter Chicken上枱嘅時候，店員會淋上牛油，令Butter Chicken嘅味道更濃烈，加強醬汁嘅層次同幼滑感，味道則偏甜香辣度低，絕對係食印度菜嘅入門菜式。Grilled Salmon烤脆咗嘅三文魚，將油份迫出，魚油嘅油香豐盈，魚皮口感香脆，而肉質軟綿，烘烤嘅時間同火候啱啱好！食嘅時候加上特調嘅清新嘅檸檬蒔蘿醬，加添清新嘅感覺。Truffle Cheese Naan食印度菜又點少得Naan呢！特別推介加入咗芝士同松露嘅Truffle Cheese Naan。松露由Naan嘅表面滲入，而芝士則深藏喺Naan嘅麵包皮當中，非常香濃，值得encore。