亞萊泰 (淘大商場3期) (已結業)

今日有機會係淘大 Lunch ，見到亞萊泰都唔少人食，餐牌選擇都吸引，咁就入左去試下啦。泰式冬蔭功札肉墨魚丸湯河 - 見到餐牌有兩隻辣椒，原本想問有冇得小辣，但原來個湯底係一早整好，咁都試下挑戰自己啦。而個湯底其實雖然都聞到冬蔭功幾香，但食落又唔 確實係冬蔭功的感覺，反而係辣油加左少少酸味的感覺，而札肉同墨魚丸各有三件，分量偏少，但味道都算不過不失的。椰汁珍多冰 - 見到隔離檯個個都飲珍多冰，而特飲加$8都合理，一時衝動之下就叫左啦，其實味道都正常，而且仲好香椰奶味，亦有唔少啫喱，係夏天飲都真係唔錯既。走個時仲見到隔離檯咖喱飯都好似唔錯，下次可以試下其他野食先。整體而言，其實個價錢已經係包左加一，而且環境都舒服，食物味道都可以，難怪都有唔少人食。