亞答屋

營業中

休息中

餐廳：亞答屋地點：中環街市菜式：新加坡菜餐牌：平日下午茶餐牌有9款選擇，有飯有沙律有肉有小食海南雞飯配蟲草花雞湯 $72海南雞有雞脾有雞胸肉，雞皮唔會太厚，肉質都唔錯，好嫩。跟有三色醬汁，包括甜豉油，辣醬同姜蓉，令雞肉更好味道，我最鍾意甜豉油！伴有三片青瓜解膩。雞油飯熱辣辣好大碗，好好味。而家個湯轉左蟲草花雞湯，雞味好濃，加有少少蟲草花同葱花，感覺補身。椰香咖喱鴨飯 $66椰香咖喱鴨一客十幾件，大件連皮連骨，咖哩味辣辣地，好滑溜，面頭明顯見到梛漿，餸飯一流。伴有白飯一大碗。泰式古法炸鮮奶 $28泰式古法炸鮮奶一客三件，超級熱辣辣！炸得外脆內有流心鮮奶流出，超正，極力推介！上菜快速，食物質素唔錯，下午茶價錢抵食。