影片
更多
2023-05-28
96 瀏覽
呢間Burger大有來頭，入圍50大亞洲最佳漢堡，採用法國米芝蓮麵包製作漢堡，加上美國安格斯認證嘅漢堡肉，普通配搭已經好好食！店舖牆身貼滿唔同食客嘅相，行美式風格裝修，都係比較高嘅吧枱同梳化，枱同枱之間會迫少少～所有漢堡都可以按個人口味追加配料，仲有提供素食漢堡，單點漢堡加少少錢就可以轉套餐要買薯條同飲品！雖然小店價錢比較進取，但都值得一試！------------------------------🍔◖特色雙層芝士牛肉漢堡◗ $140雙層牛肉真係好厚，好難一啖放佢入口，仲有啲熱溶咗嘅芝士醬同千島醬，好邪惡啊！佢嘅麵包搽上牛油再烘脆，脆口得黎好香牛油香；手打安格斯牛肉用紅酒同牛油薄煎，滿滿嘅油香，肉質好紮實，邊位仲有少少脆，再配上大量芝士、蕃茄、酸瓜、洋蔥、生菜等配菜，好滿足！🧀◖芝士牛肉漢堡◗ $110佢係單層嘅芝士牛肉漢堡，呢個厚薄度比起雙層芝士漢堡更加適合女仔食，容易啲擺入口，唔會食得咁狼狽！🍟◖Combo◗ +$42任何單點漢堡都可以加$42轉套餐，包一杯汽水/啤酒同埋一份薯條，嘢飲同薯條都可以再加錢upgrade～額外加咗$12番薯條，番薯條食落幾清甜香口，但略嫌幼身口感差少
所有漢堡都可以按個人口味追加配料，仲有提供素食漢堡，單點漢堡加少少錢就可以轉套餐要買薯條同飲品！雖然小店價錢比較進取，但都值得一試！
------------------------------
🍔◖特色雙層芝士牛肉漢堡◗ $140
雙層牛肉真係好厚，好難一啖放佢入口，仲有啲熱溶咗嘅芝士醬同千島醬，好邪惡啊！佢嘅麵包搽上牛油再烘脆，脆口得黎好香牛油香；手打安格斯牛肉用紅酒同牛油薄煎，滿滿嘅油香，肉質好紮實，邊位仲有少少脆，再配上大量芝士、蕃茄、酸瓜、洋蔥、生菜等配菜，好滿足！
🧀◖芝士牛肉漢堡◗ $110
佢係單層嘅芝士牛肉漢堡，呢個厚薄度比起雙層芝士漢堡更加適合女仔食，容易啲擺入口，唔會食得咁狼狽！
🍟◖Combo◗ +$42
任何單點漢堡都可以加$42轉套餐，包一杯汽水/啤酒同埋一份薯條，嘢飲同薯條都可以再加錢upgrade～額外加咗$12番薯條，番薯條食落幾清甜香口，但略嫌幼身口感差少少～
🌟 Encore指數：8/10
張貼
