101
9
4
等級4
2021-06-16 1144 瀏覽
平時食任食打邊爐就食得多,不過今次黎東哥除左有任食邊爐之外,仲有埋任食點心,可以一次過滿足兩個願望,但價錢都仲係$200有找,非常抵食。一坐低例牌先拎野飲,哩度嘅野飲雖然唔算特別多,不過勝在唔洗加錢都有得任飲啤酒,連加士伯都有,啱晒麻甩佬,每人隊佢幾罐都回返本。未食火鍋之前,我地先食住點心,點心有十二款,賣相雖然冇連鎖茶樓咁精緻,不過卜道都唔差,最抵讚係佢可以逐件落單,唔怕食唔晒一籠。東哥蝦餃皇 & 鮮蝦菜苗餃 - 兩款餃餃皮唔會太厚,仲帶啲彈性,入面蝦嘅比例都正常,唔會唔霉。鮮人參灌湯餃 - 雖然而家嘅所謂灌湯餃其實都係浸湯餃,不過大隻得黎塊皮又唔會好厚,而且都真係食倒有人參,算係咁。鮮竹牛肉球 & 蟹籽燒賣皇 - 可以逐粒叫,唔怕有人唔食浪費,牛肉球同燒賣唔會太粉,味道正常。沙律蝦春卷 - 春卷一樣可以逐條落單,脆得黎唔會太硬。湯皇鮮竹卷 - 鮮竹卷一份有三舊,入面有魚肚、芋頭同蟹柳,都幾飽肚。流沙擂沙球 - 擂沙球出面係煎堆,脆得黎唔會太油,入面嘅芝麻餡雖然唔係好流沙,不過就好香芝麻味,必食!千層紅棗糕 - 紅棗糕煙煙韌韌唔會太甜,食得出紅棗香味,味道唔錯。澳門豬骨煲 - 食完點
更多
平時食任食打邊爐就食得多,不過今次黎東哥除左有任食邊爐之外,仲有埋任食點心,可以一次過滿足兩個願望,但價錢都仲係$200有找,非常抵食。

一坐低例牌先拎野飲,哩度嘅野飲雖然唔算特別多,不過勝在唔洗加錢都有得任飲啤酒,連加士伯都有,啱晒麻甩佬,每人隊佢幾罐都回返本。
20 瀏覽
0 讚好
0 留言
35 瀏覽
0 讚好
0 留言

未食火鍋之前,我地先食住點心,點心有十二款,賣相雖然冇連鎖茶樓咁精緻,不過卜道都唔差,最抵讚係佢可以逐件落單,唔怕食唔晒一籠。

東哥蝦餃皇 & 鮮蝦菜苗餃 - 兩款餃餃皮唔會太厚,仲帶啲彈性,入面蝦嘅比例都正常,唔會唔霉。
東哥蝦餃皇 & 鮮蝦菜苗餃
24 瀏覽
0 讚好
0 留言

鮮人參灌湯餃 - 雖然而家嘅所謂灌湯餃其實都係浸湯餃,不過大隻得黎塊皮又唔會好厚,而且都真係食倒有人參,算係咁。
鮮人參灌湯餃
31 瀏覽
0 讚好
0 留言

鮮竹牛肉球 & 蟹籽燒賣皇 - 可以逐粒叫,唔怕有人唔食浪費,牛肉球同燒賣唔會太粉,味道正常。
鮮竹牛肉球 & 蟹籽燒賣皇
8 瀏覽
0 讚好
0 留言

沙律蝦春卷 - 春卷一樣可以逐條落單,脆得黎唔會太硬。
沙律蝦春卷
10 瀏覽
0 讚好
0 留言
湯皇鮮竹卷 - 鮮竹卷一份有三舊,入面有魚肚、芋頭同蟹柳,都幾飽肚。
湯皇鮮竹卷
19 瀏覽
0 讚好
0 留言
流沙擂沙球 - 擂沙球出面係煎堆,脆得黎唔會太油,入面嘅芝麻餡雖然唔係好流沙,不過就好香芝麻味,必食!
流沙擂沙球
2 瀏覽
0 讚好
0 留言

千層紅棗糕 - 紅棗糕煙煙韌韌唔會太甜,食得出紅棗香味,味道唔錯。
千層紅棗糕
13 瀏覽
0 讚好
0 留言
澳門豬骨煲 - 食完點心,我地就打邊爐。因為一來想留肚食點心,二來唔想食完雞煲個煲好油就咁加湯打邊爐,所以我地就冇點雞煲,淨係打邊爐。如果唔食雞煲,可以有四款唔同湯底揀,我地揀左豬骨煲,入面有幾大舊豬骨同粟米,都幾足料。
澳門豬骨煲
14 瀏覽
0 讚好
0 留言

墨魚滑 - 火鍋料方面,除左墨魚滑每枱只有一條,其他都可以任食。墨魚滑食落幾彈牙幾香墨魚味。
墨魚滑
13 瀏覽
0 讚好
0 留言
任食火鍋料雖然唔算好多款,不過豬牛雞、丸、海鮮、豆品同蔬菜都有。其中海鮮方面,扇貝同廣島蠔雖然係急凍貨,不過上枱時已經完全解凍,加上唔會太細隻都有睇頭,都算係咁。
原隻扇貝
14 瀏覽
0 讚好
0 留言
廣島蠔
21 瀏覽
0 讚好
0 留言

鮮脆魚腩 & 鮮脆鯇片 - 兩者之中我比較鍾意脆魚腩,因為比較厚肉同肉質比較結實有咬口。
鮮脆魚腩
10 瀏覽
0 讚好
0 留言

鮮脆鯇片
4 瀏覽
0 讚好
0 留言
其他火鍋料都係正常任食質素,肉類方面我比較鍾意肩胛牛肉同豚肉,前者脂肪比較平均,後者口感幾滑。
美國頂級肩胛牛肉
18 瀏覽
0 讚好
0 留言
特選頂級肥牛
24 瀏覽
0 讚好
0 留言

美國頂級牛板腱
7 瀏覽
0 讚好
0 留言
西班牙豚肉
7 瀏覽
0 讚好
0 留言

澳洲和牛粒
13 瀏覽
0 讚好
0 留言
炸魚皮 & 響鈴 - 魚皮脆得黎唔會太硬,縉鈴就比較薄身,浸一浸就好,否則太腍。
炸魚皮 & 響鈴
3 瀏覽
0 讚好
0 留言

松葉蟹柳 & 鮮柏葉 - 蟹柳係粗身嗰款,啖啖肉。柏葉好爽口唔會韌,唔錯。
松葉蟹柳 & 鮮柏葉
4 瀏覽
0 讚好
0 留言
娃娃菜 - 非常爽甜。
娃娃菜
12 瀏覽
0 讚好
0 留言

總結,點心比打邊爐好食,雖然火鍋料都係普通放題質素,但扇貝廣島蠔同脆魚腩都有得任食,最正係可以啤酒任飲,啱晒酒鬼。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
人均消費
$198 (晚餐)
推介美食
流沙擂沙球
千層紅棗糕
墨魚滑
鮮脆魚腩
娃娃菜