東哥點心籠仔蒸飯專門店 (已結業)

本身同班朋友一早Plan左食點心放題, 跟住朋友R推荐試下東哥. 我雖然未曾去過, 但都會上Openrice睇睇評分先再決定.咁見到唔少網友對爆炸頭阿姐有意見, 我原本都紮定隻手準備一唔對板就拍枱. 咁但係去到之後我又發現唔係咁差.入到去阿姐態度唔係話賣牙膏果種笑容咁招呼我地, 但係都係正常既安排坐位. 咁佢地都好客氣咁問我地要乜湯底, 劃點心.上菜速度都幾快. 無漏單. 點心我地食左燒賣, 牛肉球, 鳳爪, 排骨, 鮮蝦菜苗餃, 灌湯餃 (呢個真係值回票價, 彷翅都有成5-6條), 一個醉雞鍋同埋雞煲.朋友RY JR仲食埋炸饅頭(叫左兩鑊)同擂沙球. D點心睇個賣相都好有誠意. 而且味道幾好.火鍋配料就一般般, 叫左蠔, 雞子, 鵝腸, 丸, 腸, 牛. 唯一覺得特別係佢個鵝腸, 淥完之後係甜既. 平時我響出面食係無味既.我初頭有懐疑過D點心水準會唔會好一般, 但食落去D肉仲係彈牙既 (燒賣 & 牛肉球). 朋友R都講解左呢間野都頂得住幾年疫情. 而且除左我地呢班食放題既人, 亦有唔少食客係食佢地個籠仔蒸飯套餐. 價錢不過不失. 不過太子區附近D茶記食過晚餐都係70蚊左右. 咁我又覺得佢地食俾70+呢個價錢黎東哥食籠仔蒸飯唔會係因為價錢平囉. 總結黎講今次既消費係值既, 二百幾食佢幾籠灌湯餃再隊佢幾罐啤酒抵啦. 會再返撻…查看更多

日前經過見到門口個 banner，閒日8:30入座，埋單$185，好抵食喎，約埋個朋友去試試佢先。先叫幾籠點心，出到嚟熱辣辣，應該都係即叫即蒸，正常茶樓點心咁，都算唔錯。我哋先食雞煲，再打邊爐。啲雞大大件又厚肉，彈口冇雪味。兩個人狂風掃落葉轉眼間已經食咗大半，有啲飽飽地添，即刻剔火鍋料。選擇都唔算少，牛有五種部位，其他大致上都齊，並唔係啲人講到咁少。食物質素唔錯，樣樣都好新鮮。可惜真係食雞煲食得太飽，試唔晒啲火鍋料。但已試嘅之中有幾樣值得一提，脆鯇片居然係厚切，口感一流。和牛粒都好食，有咬口而且肉味濃。點心方面就以「流沙擂沙球」最出色，外面灑上芝麻，驟眼睇似煎堆仔，食落完全係兩回事。其實佢係類似炸湯丸，入口鬆化，唔似煎堆硬掘掘，而且唔黐牙。餡料係芝麻撈鹹蛋黃營造流沙效果，非常之甘香，真係未食過咁好食嘅甜點。食到飽晒，仲剩番最後一件紅棗糕。我哋從來唔嘥嘢，我朋友正想食埋佢之際，有個鄉音阿姐走嚟執枱，將個煲同所有碗碟筷子執走晒，問都唔問，搞到我朋友要用牙籤篤嚟食。都算，佢仲鬧我哋阻住佢，又話我哋掛住傾偈。望吓個錶，10:53，都未夠11點，未夠鐘打咭啫。點解呢度啲伙記可以惡到咁，食飯傾偈都要問過你？而且隔籬枱有兩個客仲淥緊嘢，成枱碗碟都係咁，又唔見佢去鬧嗰枱客？佢哋熟客就額外開恩，我哋生客就好恰啲？個事頭婆模樣嘅女人又唔介入，由個伙記係咁鬧客都得，嘢食幾好都冇用，我哋發誓唔會再幫襯。…查看更多

$188/一位 =》最後每位$2161. 雞煲正常2. 如果你唔係食雞煲，而係叫左火鍋湯底，congratulations! 成餐飯唔x駛食！火鍋🍲料係勁難食！3. 諗住食點心放題？連蝦餃都無埋，阿姐話餐排成日轉！選擇愈黎愈少！仲要有得嗌嘅都係唔好食～4. OpenRice book 位又唔confirm 出席，想用OpenRice pay 又唔得👎，甘咪x俾人用OpenRice book 位啦！5. 爆炸頭阿姐態度有改善，唔係其他post形容到甘衰，可能改善左，但都真係唔係好態度！總結：呢間嘢無論點心、火鍋，都好難食！我今晚親身試伏，真心垃圾～相信呢一間嘢好快執～唔好信廣告！我講到甘你哋都要去，甘你真係好大愛！唔駛多謝！我只係唔想有其他人好似我甘，食完一肚氣！…查看更多

一入去亞姐問我飲乜茶，我話食下午茶，佢話都要收6蚊茶錢，當時心諗其實下午茶應該可以俾人選擇唔要茶。叫了個下午茶孖寶燒汁釀茄子和細籠鱆魚肉餅飯。首先普利茶意想不到的唔錯，濃淡適中，最估唔到下午茶是即叫即整，燒汁茄子應是即炸，十分熱，那麼厚的茄炸得剛剛好，夠熟又不太油，味道很不錯。細籠鱆魚肉餅飯也不細籠，肉餅又大又厚，有肉餅的肉味和質感。這樣也只收$45，即時覺得要收茶錢也應該。遲啲要搵次試下晚飯或打邊爐。…查看更多

今晚去咗太子打邊爐。這間火鍋店員工服務很好、食物質量又高，而且價錢合理。呢度不但有多款火鍋配料，而且點心也是任點的。飲品有汽水、啤酒等。環境乾淨衛生。下次有機會會再嚟😄…查看更多

我都好認同8月12號果日，位人兄講既嘢東哥點心火鍋真心掂 敢既價錢食2粒鐘物有所值，不過爆炸頭阿姐真係十分唔有善態度惡劣2粒鐘都未夠已經唔比再叫嘢 ，所以原本我都未食夠既 ，但係個爆炸頭阿姐咁樣我地都已經冇哂胃口 ，d嘢都未食哂都埋單即刻走 ，我都去過幾次就算生日慶祝都去果到攪 ，完全未試過未夠2粒鐘就唔比叫嘢真係完全對佢失望 ，個阿姐一日仲係果到做 ，我諗我都唔會再返轉頭👎🏻其實話時話佢係咪東嫂黎， 佢擺到明就係到倒米既 …查看更多

東哥，你d野食真一流包括D點心，但美中不足系你有個夥計(爆頭裝女人）糸冇客系門口等既情況下走黎同我及朋友講「你地坐左三個鐘，仲坐？」之後即彈開離遠怒睥我地，我七點鐘開始既好心情都比你夥計破壞晒，東哥你有甘既夥計，我下次肯定5會再黎幫襯你間鋪！…查看更多

點心火鍋放題（兩小時），任食任飲啤酒汽水一個價錢，滿足兩種食慾😂即叫即蒸點心😋😋😋點心，喜出望外的好食👍👍煎炸食物更😍😍😍卜卜脆點心包括，蝦餃，燒賣，山竹牛肉，蒸排骨，蒸鳳爪，灌湯餃， 鹹水角，沙律春卷， 流沙擂沙球等。。。。就是排骨柴了點，其它點心也可以，尤其炸物😋一邊火鍋，一邊嘆住吃點心😂5款湯底，任選一款雞煲（半隻或一隻）/胡椒豬肚雞鍋/澳門豬骨煲/懷舊醉雞煲/莞茜皮蛋鍋湯底也很足料雖然火鍋配料不多，基本的材料也👌 雞件特別好吃，夠滑配料也算新鮮，就是牛柏葉和脆魚腩質量一般，不是滾了很夠，也超堅韌。環境，服務和送食物速度也👍…查看更多

舅舅生日要請食飯，他平常愛一盅兩件飲茶食點心，但是又想食食火鍋；查看網絡發現了東哥點心籠仔蒸飯專門店，在旺角、元朗、屯門、觀塘都設有分店，最重要是一次過滿足了兩個願望。來到旺角店環境乾淨裝潢及家具中式設計，望一望餐牌價錢大眾化，晚市點心和火鍋都是任食，價錢非常之抵食值得推介俾大家。餐廳設有客人自行選擇配料醬汁自助區和自助飲品櫃有多款罐裝飲品（有我最喜歡的是牛蒡茶）點心超過10款選擇，我們點了很多有東哥蝦餃、鮮人參灌湯餃、鮮蝦菜苗餃、流心擂沙球及千層紅棗糕，上枱都是熱騰騰的，口味偏向清淡水準也不算，我們最愛是鮮人參灌湯餃。我們一邊食點心，一邊食雞煲（肉質肥美香麻惹味，多食會感覺鹹了一點）。吃完雞煲我們就選了醉雞藥膳湯，醉雞口感滑和嫩，藥膳湯底有大量杞子、紅棗及我不知道的藥材，味道香濃好好渴。火鍋配料好多，先說說美國頂級肩胛牛肉、特選肥牛質素好到對絕對對得起個價錢。還有雞子、牛柏葉、鵝腸囗感爽脆、豬紅（我不喜歡）脆鯇魚片滿爽口，廣島蠔、扇貝，都可任點，另外也有一次性的手打墨魚滑口感彈牙鹹香。…查看更多

東哥人就係好貪心嘅好多時想食雞煲又會想食火鍋好似我呢啲重貪心嘅仲更加會想食埋點心所以好多時出街食飯真係心大心細唔知食咩好點知就比我搵到呢一間餐廳一次過滿足我三個願望議程仲係任食放題添所以完完全全Fit嗌我口味一入到去店員就會問你想食雞煲定係想食火鍋我哋就梗係二話不說地想食雞煲啦而且雞煲仲可以選擇唔同嘅辣我哋因為鍾意刺激嘅味道就梗係叫咗超級啦呢度嘅雞非常之咁新鮮店員主動話佢哋係用上了即日嘅三黃雞所以雞油味道非常之咁濃郁而且醬料嘅味道已經完完全全三晒入雞肉入面就算開嘅配菜都非常之咁好食因為佢面嘅洋蔥仲有糖近味道都非常之咁出眾雞煲除咗可以不斷加料之外呢個時候就梗係食其他點心啦最鍾意就係食呢度嘅蝦餃同埋燒賣因為大大粒之餘仲非常之咁新鮮即叫即蒸而且用了仲非常之咁新鮮因為食得出係用新鮮嘅豬肉打成的而且蝦餃個皮仲非常之咁博但係就唔會整到穿晒非常之咁好食講延伸星星好嘅點心係完全冇得對比的最後食埋個點心就梗係今晚嘅火鍋自助餐呢度嘅份量非常之咁多組合亦都非常之夠個人就最比較喜歡呢度嘅魚類因為真係非常之咁新鮮而且開魚種非常之咁爽口牛肉非常之新鮮不得不提呢度嘅服務都非常之咁好每次見到你食完之後就會主動幫你清左嗰啲吉碟所以唔會令到你枱面立立亂…查看更多

當聚會既全部都係麻甩佬時，東哥三甲必入！一個價錢雞煲+火鍋+點心任食，啤酒汽水任飲！4個麻甩同事當中有人鍾意食雞煲有人鍾意食點心，有人鍾意隊啤，一個價錢220蚊包晒！雖然有訂台但我地到果時係1930所以d卡位已經冇晒，要坐中間比較迫，位與位之間隔都幾密，今次坐得幾唔舒服，大聲講野側邊都會聽到，但好處就係所有食東哥既客大部份都係麻甩客🤣🤣，大家放聲暢談冇問題！叫左一隻雞煲中辣，上台時聞到幾香，夠辣，雞算滑比較林身，我鍾意食實肉所以食左兩舊就冇再食，如果唔夠雞係可以再加既。今次我主力食點心，所有點心即叫即蒸好夠熱，最欣賞係鮮蝦菜苗餃，蝦夠彈牙皮好滑，鮮人蔘灌湯餃真係有支人蔘仔係入面，配上素翅熱湯好好食，推薦大家必叫蒸排骨，d肉好新鮮，平時出面酒樓叫都要大或中點，我地4個食左5籠，再隊左無限權啤酒，如果唔飲酒既可飲烏龍茶或可樂。全場得2個阿姐，但又係超級好超忙都唔會黑面，當然我地都好識做，見佢忙就等陣啦一，唔會唔耐煩有求必應，缺人手下服務都算係咁架喇！飲飽食醉咁走只係220蚊，抵！如果同女朋友或有斯文女仕一齊就深思熟慮要唔要黎東哥，因為的確比較嘈同大家都食得好隨心，或你個女朋友／老婆／女同事係烈女性質，就一齊入去happy返晚啦🤣…查看更多

-近年係香港開多咗任食火鍋嘅店舖，想突圍而出一定要有啲心思先得。依間東哥點心係香港有好多分店，晚市嘅火鍋雞煲任食好特別，除咗火鍋雞煲任食之外，仲有點心任食，而且價錢合理，性價比高，一次過滿足兩個願望，好多街坊客推介！🍲-首先湯底瘦編揀咗胡椒豬肚雞鍋，秋冬食一流，好滋補，湯底好好飲。雞件肉質嫩滑，仲好足料。一邊食雞鍋一邊食點心，點心有超過10款選擇，必點蝦餃、燒賣、鳳爪同灌湯餃，絕對有茶樓水準。熱辣辣即叫即蒸。🥟-食完雞鍋就可以開始打邊爐，火鍋配料好豐富！肉類有美國頂級肩胛牛肉、西班牙豚肉、澳洲和牛粒等等，好高質素，脂肪分佈好平均。除咗肉類之外，仲有好多其他配料，包括各種丸類、雲呑、雞子、牛柏葉、鵝腸、豬紅、脆鯇魚片等等。飲品有得自取各類罐裝飲品，最後再叫咗個流沙擂沙球，中式甜品作為完結，正！🤩-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌗 (4.5)回購評分▶️🌕🌕🌕🌕🌑 (4)-➡️ 東哥點心籠仔蒸飯專門店 (旺角)📍 旺角荔枝角道33號百匯軒2號舖-…查看更多

網上見到想試好耐啦。因為系一個好貪心ge人，一個餐廳可以雞煲，打邊爐同埋食點心，真係好好好難搵到。首先一定要讚系d服務態度。去到，其實唔係好full，未夠鐘，都可以比我地入先，但我地三個女仔想坐卡位，d姐姐真係超級超級好啊，真係比我地等，同安排比我地，服務態度一流啊。跟住叫野食，上得都快，然之後仲有張凳仔比我地放野食，好得意啊，都比我地檯面好多位。仲有其實我地真係坐超過兩個鐘，當然我地無再點野食，但任食，可以比我地坐咗好似都過三個鐘啊，雖然無叫野食遮，但可以比我地好舒服禁系度傾計，又無催我地走，比我地慢慢食埋d野食。我覺得任食店得li度先有。當然我地都無好過分，禁無人等位，我地又乖乖傾計遮。跟住要讚系d食物，種類真係好足夠啦。雞煲真係超好味啊。我地無特別簡湯底，淨系要少辣，已經好惹味，三個女仔食一個雞，正。跟住打邊爐，我自己就無咩好多要求，但我兩個朋友都覺得食物好味，牛肉都正常質素，種類都多啊。我最最最鍾意就係點心啦，li度無雪糕，但有中式甜品啊。紅棗糕其實唔係好甜，正常水準。灌湯餃，我地三個人分一個，真係有參味。我最鍾意好似煎堆ge雷沙球(唔記得佢個名)，去到最後，大家都話飽，但我好想食啊，原本應該要三個，但姐姐話寫一個都得啊，真係對我好好啊，一到，熱辣辣ga，外脆內煙韌，仲有黑芝麻餡，超滿足，其實我仲可以再食。…查看更多

以前我哋一班死佬搞飯局，不時都揀啲任飲任食火鍋，因為，個個死佬都幾食得吓，任飲任食就最易預數，大家可以食得盡情。不過，種種原因下，都無搞好多年，依家就只有三幾個死佬約出嚟搞啲小飯局。今晚，嚟到「東哥」，除火鍋任飲任食，仲有多款點心都喺任點任食。任飲任食一向都有好多捧場客，好似今晚咁，閒日嘅星期二，早早就坐滿人。餐廳環境唔錯，如一般點心專門店，地方四正，整潔光猛，最緊要唔會太逼。服務值得一提，幾位樓面阿姐做嘢快手，又有禮，坐滿客時又會校大番啲冷氣，你拎咗啤酒，佢哋又會醒目送上啤酒杯，更會主動添湯。門口大大個易拉架標明晒收費，2小時任飲任食雞煲火鍋點心，8:30pm前收$188，8:30pm後就收$158，另外，$10醬油費，加一服務費，喺咁多。任食火鍋有啲咩揀呢？一張點菜紙睇晒，5款湯底供選擇，而火鍋配料就唔多講，各種肉類、丸類、海鮮、蔬菜……等等，40多款，夠晒啦。份量會以填嘅人頭數去出菜，不過，都喺有多無少，成晚亦無咩漏單:)。而點心部份，亦有成12款，店員話全部都即叫即蒸。落單就好似平常飲茶咁，基本試上喺斷籠計，好似蝦餃，咪一籠3隻咁囉。任飲又點？所有飲品放晒晌近門口嘅凍櫃中，有汽水、果汁及啤酒，款就唔及一啲日式放題嘅咁多，但啱飲就OK。好似一開初，就試咗啲西柚菠蘿汁、熱情果香橙汁，味道OK喎，酸酸甜甜，襯火鍋都幾多，汽水就更加唔少得啦。東哥蝦餃皇湯底嚟到都要等滾起先有得食，所以，先點幾款點心試試。叫得蝦餃皇，都應該有番一定水準。確實摺紋清晰，皮薄餡靚，裡面鮮蝦大大粒，爽口鮮甜。蟹籽燒賣皇燒賣亦做得唔錯，大大粒爆滿餡，而且，唔會得啲豬肉，仲有鮮蝦肉，更喺無乜肥肉晌裡面，加少少蟹籽作點綴，好食。鮮人參灌湯餃巨型嘅灌湯餃，放上少少素翅，賣相真喺幾有睇頭。人參湯唔錯，餃內填滿好多料，不過，外皮有啲粉腍，感覺麻麻哋啫。跟住都喺時候食火鍋，外面有醬料區，不過，醬料嘅款式就唔多，都喺基本嘢，蒜蓉、辣椒、蔥花、芫荽、豉油，可惜無小弟喜歡嘅沙嗲。懷舊醉雞煲雖然辣雞煲惹味好食，但都喺肥膩，老友都想食清少許，所以，揀呢一款。雖然話醉雞，但其實個湯底似藥膳，味道又幾香。而醉雞件喺分開碟上，咁就可以慢慢分開煮，唔怕煮老晒。啲雞件又真喺幾好食，初初聞落就有陣陣酒香，但煮過後啲酒氣散咗，然而，啲雞肉好嫩滑，沾少少蒜蔥豉油，雞鮮味更突出。轉眼，成碟雞就被我哋處置晒，哈哈！因為都開始好多客，所以，我哋就一次過先點一大輪食物，唔夠先再加。睇見咁多嘢食，未食都興奮。美國頂級肩胛牛肉幾款牛肉之中，肩胛牛肉同牛板腱喺最鍾意嘅，先講肩胛牛肉，油份明顯唔會好多，由於薄切，輕輕灼一灼轉色就食得，入口脂香無咁重，主要食其肉香，肉質嫩滑細緻，富肉香。美國頂級牛板腱牛板腱比肩胛牛肉多少少油花，但唔會好似啲肥牛咁勁，同隸薄切好，輕灼就可以入口，口感腍滑，肉味濃，卻又又不失微微油香，比較啱小弟口味。西班牙豚肉成日話肥豬肉，但啲豚腩肉一啲都唔肥，仲切得薄到透光，雖然喺豬肉，因超薄而無需要灼太耐，啲豚肉估唔到又喺好嫩滑，最緊要又唔會太肥嘛。澳洲和牛粒睇見喺和牛粒，自然有啲期望，不過，睇外觀顯然有啲過肥，怕啲油脂逼晒出嚟，所以，我哋喺等到最尾先食佢。整體而言，和牛粒真喺唔多OK，因為偏肥。特選頂級肥牛啲肥牛唔錯，雖然，望上去真喺油脂偏多，但灼熟之後，啲肉同油脂縮一縮，感覺又唔喺咁犀利，入口軟滑而充滿油香。包心蝦籽丸、松葉蟹柳丸類我哋只喺試當中嘅一款：包心蝦籽丸，依類包心丸應該喺來貨，雖然喺咁，個質素都唔差，內裡有唔少蝦籽。而蟹柳雖然叫松葉，當然唔會諗佢喺由日本松葉蟹所做啦，同樣喺來貨，亦都唔差，至少唔會喺一嚿嚿粉嘅貨色！跟住，分享吓一啲海鮮類同內臟類，點咗5款，師傅好有心，排列整齊好一大碟過送上枱，望上去確喺好睇好多。鮮脆鯇片啲脆鯇片切「雙飛」，切得賣相好靚仔，而魚片色水有光澤，輕灼變白就食得，入口好有魚鮮味，而且，亦比無預期中更強嘅爽脆感，沾點豉油提鮮，非常好食。鮮脆魚腩原本諗住啲魚腩位會多魚脂，不過，睇起嚟又唔喺，入口，其實跟食啲脆鯇片差唔多。廣島蠔啲蠔睇落幾新鮮，外表富光澤，估唔到啲蠔烚完仲咁大隻，唔會縮到得番個銀仔大細，而且，蠔味都幾濃，質素比預期中好。鵝腸不約而同，我哋都話好耐無食過鵝腸。啲鵝腸洗得夠晒乾淨，食落唔會有一陣陣羶臊味，而口感好爽脆。鮮栢葉有時飲茶都會食到，打鞭爐又喺好似好耐未食過，啲栢葉好新鮮，入口一樣喺「嗦嗦聲」咁爽口。響鈴都喺跟番普遍食法，簡單湯灼，輕輕一拖，響鈴吸咗少少湯汁，面層軟軟腍腍，內層仍有少少香香脆脆。油麥菜我哋無特別點太多菜，只喺點咗一客油麥菜，再清晒墊碟嘅生菜而已，純粹心態上食咁多肉，就叫做食番少少菜嚟平衡一下。沙律蝦春卷、流沙擂沙球臨尾就以點心甜品作結，但點解仲會點一客沙律蝦春卷，因為老友貪口爽，話未試過。個春卷新鮮炸，非常香脆，裡面釀咗啲沙律蝦，令春卷食起喛更清爽，真喺幾唔錯；而流沙擂沙球亦值得推仲，喺煎堆仔加擂沙湯圓嘅混合體，外層脆口並充滿芝麻香，入口黑芝麻流沙，正！ 千層紅棗糕雖然，層次就唔喺話好分明，不過，入口煙糯，卻唔黏牙，紅棗味突出，作為飯後甜點亦非常合適，此外，呢類糕點小分本身都鍾意食。今餐真喺食得滿滿，單喺食點心都食咗唔少，而火鍋配料亦試咗好多，好在老友都好擦得，先至可以試到咁多嘢，全部清晒，一啲都無嘥。…查看更多

今晚食的是荔枝角道的東哥點心籠仔蒸飯專門店，食點心加+火鍋放題。價錢分兩個時段， 八點半前$138，八點後$158 ，放題任飲任食，有加一服務。因我食的時間比較早，入座時人數不多，但隔咗約半個鐘，已差不多滿座。點心可以即點即食，所以先點幾樣點心及先點湯底湯底，可以一邊食一邊揀火鍋配料，點心要了東哥蝦餃皇、鮮竹牛肉球、鮮人參灌湯餃及蟹籽燒賣皇。當中我最喜愛食的點心是東哥蝦餃皇 及蟹籽燒賣皇，尤其是蝦餃爽口又鮮味。至於湯底都有多款選擇，我要了個下火的芫茜皮蛋湯。至於火鍋配料都有非常多款式，任點任飲任食，尤其開心！美國頂級牛板腱，大理石紋，切得頗大件，牛味香濃。美國頂級肩胛牛肉，牛肩胛切得頗薄，顏色鮮豔，牛味頗濃。西斑牙豚肉，瘦肉當中帶點肥，不會太瘦，也比較好肉味。鮮脆魚腩食落帶鮮味之余，脆口又油香！牛柏葉腍中帶軟，不會韌，是食火鍋的好配料。還有鮮雞仔、廣島蠔、粟米、炸魚皮、及丸類蔬菜、飲品……等，任飲任食，食得開心又美味。…查看更多