燒肉火蔵 (已結業)

喺圓方等完人放工，之後求其搵咗一間試吓。意想不到嘅驚喜。其實覺得係貴，因為始終係element呢個高消費嘅商場不過食完真心覺得值得。我地點左四樣野本來都係想食燒牛肉，但係出邊好多地方都冇蒸牛肉呢樣野所以叫咗！雖然只得三塊牛但係每塊都係又大又厚！肉質就咁睇已經見到好鮮，雪花係好分明嘅分佈！配合雜菜！先放菜蒸三分鐘跟住放肉再等三分鐘！剛剛好，唔會好似燒牛肉，油淋淋，仲食到新鮮牛肉嘅肉味！啲菜索晒啲牛嘅肉汁，就算唔點調味都好好食！因為以為蒸牛肉會唔飽，所以我哋兩個人仲叫咗個豆腐泡菜湯，一個石頭鍋飯，同埋一個鐵板牛扒！樣樣野其實都好好食但係因為叫得太多野所以兩個人真係食唔晒！真心講啲嘢真係好好，服務好好，價錢雖然比出邊貴左但係唔會比出邊嘅韓式餐廳貴好多。已性價比嚟計，係非常值得！