四面泰泰式火鍋

營業中

休息中

之前試過啟德分店嘅午市火鍋覺得勁好食尋晚喺沙田行街發現有分店即刻拉埋朋友入去食個晚市火鍋今次我哋就嗌咗個<節日歡樂二人聚餐>🔷海鮮金盒一開盒就煙霧瀰漫 好有仙氣d蝦鬚仲郁緊 新鮮到爆台山蠔肥嘟嘟一咬爆汁珊瑚蚌爽甜 點埋泰式辣醬真係無得輸手打墨魚丸好彈牙😍🔷雙拼湯底🍲冬陰功雞湯酸辣適中 淥海鮮真係夾到震椰奶雞湯勁重椰奶味 飲落去成個人都暖笠笠最抵讚係加湯都係加原湯 唔會越食越淡 🤤🔷美國牛板腱🥩雪花油脂幾靚有肉香味 淥一陣就食得 唔會韌😋🔷泰式蝦餅九成蝦肉真係無呃人 外脆內彈仲食到一粒粒蝦肉點酸辣醬真係停唔到❤️🔷泰式燒豬頸肉燒得勁香 完全唔乾有肉汁勁juicy 又唔會成口油🔷會跳嘅檸檬茶加左爆炸糖飲落去噼啪響 好過癮泰式芒芒碌碌芒果肉勁多仲有西米同椰奶 甜度剛剛好 💕📸 溫馨提示：記得相機食先！個海鮮盒煙霧效果勁IGable隔離枱個個都望住我哋開箱啊😂