影片
更多
2008-03-27
13 瀏覽
3月11日夜晚收工後, 約咗三個朋友一齊食飯,本來完全冇諗住嚟 Pizza Hut 食嘢架! 但周圍睇過啲餐廳都加晒價, 唔抵食, 反而Pizza Hut 做緊匯豐咭有指定套餐優惠, 反正又想試下個新Pizza, 就呢間啦! 呢個二人餐有($215) :特飲- 什果賓治/ 蘆薈冰茶2杯忌廉雞湯/ 意大利菜湯2客翡翠雞扒凱撒沙律1客海鮮鮑汁片三重芝心批配辣肉腸(普通批) / 漁港風情芝脆批(普通批) 1個野菌意大利飯/ 海鮮寛條麵/ 挪威三文魚卷1客香焗小食拼盤/ 燒嫩豬仔骨配田園沙律1客忌廉泡芙1客(五個)都好多嘢食喎~~就叫住呢個餐先啦! 反正有兩個人都唔算好肚餓。(一個係我, 頭痛到冇乜胃口)小天使同284 都要咗個忌廉雞湯, 佢哋冇話唔好食, 應該OK。九號要咗杯什果賓治, 佢話都唔錯; 而我就要咗蘆薈冰茶, OK 啦! 唔太甜, 但太多冰。食物先嚟「翡翠雞扒凱撒沙律」, 唔錯, 雞扒同啲沙律醬都好食!「野菌意大利飯」, 比預期中好食, 唔錯! 不過個賣相同餐牌上面好大出入...「燒嫩豬仔骨配田園沙律」, 意粉屋既豬仔骨好食好多,不過呢度都唔算太差, 但佢講既田園沙律就..
本來完全冇諗住嚟 Pizza Hut 食嘢架! 但周圍睇過啲餐廳都加晒價, 唔抵食,
反而Pizza Hut 做緊匯豐咭有指定套餐優惠, 反正又想試下個新Pizza, 就呢間啦!
呢個二人餐有($215) :
特飲- 什果賓治/ 蘆薈冰茶2杯
忌廉雞湯/ 意大利菜湯2客
翡翠雞扒凱撒沙律1客
海鮮鮑汁片三重芝心批配辣肉腸(普通批) / 漁港風情芝脆批(普通批) 1個
野菌意大利飯/ 海鮮寛條麵/ 挪威三文魚卷1客
香焗小食拼盤/ 燒嫩豬仔骨配田園沙律1客
忌廉泡芙1客(五個)
都好多嘢食喎~~
就叫住呢個餐先啦! 反正有兩個人都唔算好肚餓。(一個係我, 頭痛到冇乜胃口)
小天使同284 都要咗個忌廉雞湯, 佢哋冇話唔好食, 應該OK。
九號要咗杯什果賓治, 佢話都唔錯; 而我就要咗蘆薈冰茶, OK 啦! 唔太甜, 但太多冰。
食物先嚟「翡翠雞扒凱撒沙律」, 唔錯, 雞扒同啲沙律醬都好食!
「野菌意大利飯」, 比預期中好食, 唔錯! 不過個賣相同餐牌上面好大出入...
「燒嫩豬仔骨配田園沙律」, 意粉屋既豬仔骨好食好多,
不過呢度都唔算太差, 但佢講既田園沙律就... 伴碟就咪寫出嚟啦!
主角-「海鮮鮑汁片三重芝心批配辣肉腸(普通批) 」, OK 喎!
配撘唔錯! 但鮑汁片唔夠味, 同埋一定要襯熱食, 少少凍咗都失色。
最後係「忌廉泡芙」, 雪得超硬! 原來佢裡面啲雪糕好實...
乜泡芙唔係軟身既咩? 裡面唔係cream 嚟既咩??? 不過其實都幾好食既!
成個餐啲食物都ok 幾好, 不過唔明點解佢話呢個係二人餐囉!
個份量大成咁既......... 我哋四個人食都仲淨兩件Pizza 喎............
如果各位唔算大食, 千奇唔好諗住兩個人去食呢個餐呀!
就算三、四個人去食, 都係等啲食物嚟齊先好再考慮加其他食物...
Ref : http://hk.myblog.yahoo.com/joycewai616/article?mid=6168
張貼
