影片
更多
2022-10-03
587 瀏覽
呢度的確係慶祝嘅好地方，相信大部份來嘅人都係生日或者周年紀念。餐廳裝修典雅舒服，地方算大但唔係一眼望晒，係分開幾個主題小區，每一個角落影相都靚。我哋好好彩安排坐喺梳化的邊位，空間多D亦唔會影到其他人，如果可以要求最好能坐轉角位。今晚的服務好好，侍應好熱心招呼和介紹。餐廳號稱係阿根廷菜，menu有部份食物係比較特別,主要嘅牛扒都係來自阿根廷, 用嘅醬汁同一般扒房有分別。餐包睇落似普通餐廳嘅餐包，但食落十分鬆軟，再配以有蒜蓉和香草的牛油，同埋一碟牛肉汁，忍唔住encore 左D面包🤭🤭龍蝦沙律有啲失望，以差不多$500嘅價格龍蝦好似酒店自助餐的凍龍蝦鉗切碎，咬落仲有解凍左的水留在肉內的感覺，其他就係牛油生菜和一隻蛋。牛骨髓出埸係好型，一條大骨中間破開釀入一D肥膏feel 的東西和肉碎。本人一直以為牛骨髓係中菜嘅三鮮骨髓白色嗰啲，但完全唔係嗰回事，刮出嚟係好似肥膏，查在多士上咬落好油，但味道都ok的，問侍應佢真係話係肥膏黎架！算啦喺出邊好少食到，唔好諗咁多啦，食啦！主菜係24oz bone in rib eye。我哋都經常食大份牛扒，來到時覺得表面比較乾，侍應話阿根廷牛係無咁肥，果然。食落係
今晚的服務好好，侍應好熱心招呼和介紹。餐廳號稱係阿根廷菜，menu有部份食物係比較特別,主要嘅牛扒都係來自阿根廷, 用嘅醬汁同一般扒房有分別。
餐包睇落似普通餐廳嘅餐包，但食落十分鬆軟，再配以有蒜蓉和香草的牛油，同埋一碟牛肉汁，忍唔住encore 左D面包🤭🤭
龍蝦沙律有啲失望，以差不多$500嘅價格龍蝦好似酒店自助餐的凍龍蝦鉗切碎，咬落仲有解凍左的水留在肉內的感覺，其他就係牛油生菜和一隻蛋。
牛骨髓出埸係好型，一條大骨中間破開釀入一D肥膏feel 的東西和肉碎。本人一直以為牛骨髓係中菜嘅三鮮骨髓白色嗰啲，但完全唔係嗰回事，刮出嚟係好似肥膏，查在多士上咬落好油，但味道都ok的，問侍應佢真係話係肥膏黎架！算啦喺出邊好少食到，唔好諗咁多啦，食啦！
主菜係24oz bone in rib eye。我哋都經常食大份牛扒，來到時覺得表面比較乾，侍應話阿根廷牛係無咁肥，果然。食落係少左油香，又唔juicy, 一般。呢度無得揀醬汁，跟来的有牛肉汁（唔知真名）和芥末。side dish 揀左鴨油薯條，薯條係幼切，炸得脆口，唔覺係鴨油。
都講左2人慶祝都熱鬧啦，食完主菜好幾個侍應便捧住兩枝綿花糖大大聲唱生日歌，同主角戴上騎師帽，拍即影即有，呢D安排係會令生日人好開心的，你會發現，呢度好多同月同日生嘅朋友，大家互相祝賀，好好氣氛！
送的火焰綿花糖，實在太太太甜，裡面有好甜的雪糕，只食左一啖便放棄，不過有得燒下影吓相都是開心的。
最後，侍應介紹左杯espresso martini , 配甜品真的不錯，多左咖啡味少左酒味，好易入口，唔識飲酒都可以接受。
今日幾滿意，影左好多相，推介給要慶祝的食友。
張貼
