慢煮工業 (已結業)

用餐時間：普通星期三 1845今晚揀左一份二人慢煮套餐。餐廳環境幾有色調，餐具都幾靚！左邊係我嗰杯荔枝特飲，味道唔會好甜，淡淡地幾好飲。不過佢呢種杯無比到飲管我地，所以飲落幾唔方便。我覺得呢個係我食過其中一個最好食既沙律。佢隻醬汁同沙律幾夾，不過最驚喜既係原來溫泉蛋配沙律食既味道係咁特別。呢個意粉好足料，尤其係芝士，身為一個芝士迷我食得好滿足！呢塊扒應該唔係咩貴價扒，所以味道正常發揮我已經接受。隔離既豬都無乜驚喜，同平時食既豬仔骨嗰啲無咩分別，不過係唔錯既。最後埋單連加一係$405，兩個人平均每人$203。呢度環境幾好，食物質素都同樣唔錯，可以改善既地方係如果二人套餐份量多翻啲就好，因為最後食完都唔飽。