炯記手撕雞 (汝州街) (已結業)

今日同男朋友去食炯記，嗌左個二人滿足套餐，兩舊水有找($198)，包5道餸、2個飯/撈麵、2個例湯、2杯野飲，成枱都係餸飯野食，仲要全部份量都唔細，前所未有既滿足感，真係抵到爛！🥰酸辣蒜香雲耳+油菜建議第一碟食左雲耳先，因為真係好開胃！😋蒜味勁香濃，酸辣中帶點甜度，超適合做前菜/飯後小食解膩～油菜就可以配飯麵食，均衡營養鹽焗雞腎本身麻麻地雞腎，但見全部都大大舊幾吸引就試下。點知食左翻吾到轉頭，肉質有咬口又爽脆，焗到入哂味，香得黎唔會太咸，送飯一流～🤤鹽焗手撕雞🐣著名手撕雞唔洗講一定必點！平時食開既鹽焗雞都係偏咸，但呢隻味道、調味、份量都控制得好好！全部啖啖嫩滑無骨雞肉，仲食到麻油香味😋秘制醬皇豬手🐽皮、脂肪同肉分佈好平均，都好易拆骨。口感咬落好Q彈，好有膠原膠原既感覺，而且炆得好林好入味！估唔到連豬手都大大舊上枱，真係唔會同你慳🤣太子鵝油撈面‼️👍🏻呢碟真係有驚喜！用粗麵條，大大碗都不在話下，仲要麵油香得黎偏乾身，食落有鑊氣，口感味道都係其他撈麵既另一個層次🤤一定會翻去再食！