Twinkle Baker Decor (已搬遷) 新店位置

呢個父親節 拎咗個幾特別既蛋糕返去 外形係一杯酒咁 幾過癮 蛋糕頂係篤 鹹檸啤蛋白霜模仿平時飲啤酒時面頭個層氣泡 下面就係望落裝滿晒啤酒既黃色既啤酒🍻 呢個係起 父親節推出既新蛋糕嚟 今次呢個蛋糕有個幾趣致既爸爸樣蛋糕牌 睇到今次同咗少爺啤crossover做咗一款用自家醃製既鹹青檸嚟模擬鹹檸七風味既啤酒造型蛋糕買蛋糕仲送多支少爺鹹檸啤 可以邊啤邊食蛋糕 都幾特別 呢個鹹檸啤蛋糕頂層有一堆蛋白霜化身成為巨型啤酒杯上就快滿瀉既啤酒氣泡 質感幾得意蛋糕中間有啲柚子鹹檸啤慕絲同鹹檸啤啫喱加埋原味牛油蛋糕同埋底層的海鹽焦糖薄脆 夠曬重口味 呢個蛋糕打卡一流😆