Drool Froyo

營業中

休息中

係天后食完晚飯，朋友知我好中意食乳酪雪糕，就帶左我去呢間新開嘅乳酪雪糕店。呢到可以自己揀配料醬汁，唔想諗嘅朋友可以揀餐廳設計好嘅。我地就選擇自己揀，揀番自己想食嘅。牛角杯本身配兩款配配料，一款醬汁，我就加錢要額外配料，我揀左麻糬，香蕉，穀物脆片，繽紛樂和朱古力醬，麻糬煙煙韌韌，香蕉香甜，穀物脆片口感香脆可口，朱古力香濃美味。牛角包壓扁左，口感香脆。滿足杯第二杯叫左啖啖肉芒果，藍莓，蝴蝶酥，草莓凍乾，紅莓醬，芒果啖啖肉味道鮮甜，藍莓爽脆，蝴蝶酥酥脆可口，草莓凍乾配上紅莓醬酸酸甜甜。