泰Grill (享和街)

呢間小店由將軍澳開到中環，依家連荃灣都有分店啦，由泰國廚師主理，主打多款經典嘅泰式料理，串燒、燒雞、咖喱，基本上諗到嘅都有供應，午餐同下午茶好抵食，經過可以一試。前菜有蒜蓉包，五大塊，外脆內軟，搭配惹味嘅咖喱好開胃。小食方面要咗春捲同蝦餅，兩款炸至脆身，金黃色，餡料飽滿，而且份量都唔少，建議可以點埋落咖喱汁到～ 主食有Thai Boat Noodle，麵條軟硬度適中，湯底調味啱啱好，味道濃郁，感覺無味精，豬同雞肉都幾嫩，肉味突出，性價比高。Pad Kee Mao出面比較少見，帶點微辣，麵條又幼又滑，個人十分喜歡，好值得一試。另外有Thai Fried Rice with Seafood，炒飯炒至粒粒分明，配料都唔少，而且幾入味，老少咸宜。甜點當然唔少得椰汁糕，味道香濃且甜度適中、芒果酸甜，糯米飯軟糯可口、飲品更有泰式奶茶同咖啡，熱嘅更香，會encore嘅一間小店。