Sky726

放工去咗旺角一間西餐廳食晚飯，呢間餐廳出名個景好靚，可以見到九龍區嘅景色，配上燈光有一種浪漫嘅感覺，而且地址好方便西餐都算多選擇，除咗有意大利飯、意粉、扒類等等，仲有set dinner ，我哋揀咗個焦糖比目魚柳配香草蕃茄希臘沙律感覺好清新，蔬菜好新鮮，配上水牛芝士同蕃茄仔，令餐前好fresh 仲有麵包配牛油，更加飽肚而餐湯就有蕃茄雜菜湯，用料豐富，酸酸地好開胃終於到主菜出場，係焦糖比目魚柳，賣相好精緻，比目魚煎得剛剛好，外層係一層焦糖味嘅魚皮，香脆得嚟帶點甜味，配上肉質新鮮嘅比目魚，味道唔錯而配菜仲有藜麥，加上少少蕃茄粒，清新得來配搭一流，係健康之選甜品係咖啡奶凍，聞起上嚟咖啡味已經好香，食落去更加香濃，而且好幼滑，值得一讚，加上生果粒酸酸甜甜，為晚餐畫上完美句號凍檸茶茶味香，自己加糖可以調節甜度精緻小食係三文魚味慕絲餐廳環境幾舒服，服務正常，望住出邊嘅景色食飯感覺更開心